Sarapshy: Qazaqstandyqtarǵa otandyq taýarlardy tutyný qajet
ASTANA. QazAqparat - Qazaqstan óńirleri Prezıdent Nursultan Nazarbaevtyń «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýyn erekshe qoshametpen qarsy aldy. Bul týraly búgin Ortalyq kommýnıkatsııalar qyzmetinde ótken baspasóz máslıhatynda Qazaqstan Respýblıkasynyń Tuńǵysh Prezıdenti - Elbasy kitaphanasy strategııalyq zertteýler jáne josparlaý qyzmetiniń basshysy Mıhaıl Mıronenko málim etti.
«Qazaqstannyń aımaqtarynda adamdar Prezıdenttiń bıylǵy Joldaýyn erekshe kóńilmen qabyl aldy. Bul Joldaýda Prezıdent naqty mindetter men maqsattardy aldymyzǵa qoıdy», - deıdi ol.
Onyń sózi boıynsha, ekonomıkany búgin árbir azamat otandyq áleýmettik jaýapkershilik arqyly qoldaýy tıis. Otandyq taýarlardy tutyný arqyly, syrttan keletin ımporttyq taýarlardyń azaıýyna yqpal jasaıdy.
«Jańa ekonomıkalyq ahýal Armageddon emes, Japonııa daǵdarysty 20 jyl boıy keship keledi, degenmen ósim kórsetýde. Bizge damýǵa qajettiniń barlyǵy bar, tek jatypisherlikten arylýymyz kerek. «Leksýs 570» kóliginiń quny birneshe jumys ornyn qamtamasyz etetin shaǵyn óndiristiń qunymen teń ekenin túsinýimiz qajet. «Memleket, kómegiń qaıda» deıtin ýaqyt aıaqtalǵanyn baıaǵyda-aq uǵynatyn kez kelgen. Memleketke otbasyńdaı qaraý kerek», - dep atap ótti sarapshy.
