Sarapshy qazaqstandyq bıdaı sapasynyń tómendeý sebebin túsindirdi
ASTANA. QazAqparat - QR Bilim jáne ǵylym mınıstrligi Ǵylym komıtetiniń Ósimdikter bıologııasy jáne bıotehnologııa ınstıtýty Molekýlıarlyq genetıka zerthanasynyń meńgerýshisi Erlan Turyspekov sońǵy jyldary qazaqstandyq bıdaı sapasynyń tómendeýine qatysty pikir bildirdi, dep habarlaıdy QazAqparat tilshisi.
«Elimizdegi jetekshi daqyl - bıdaıdyń sapasy nege tómendep ketti? Sebebi, sońǵy jyldary ósimdiktiń tat aýrýlary kóbeıdi. Ásirese, Soltústik Qazaqstandaǵy bıdaı sabaqtarynda tattar kóbeıdi. Demek, munyń barlyǵy ónimdilikke, sapaǵa áser etedi», - dedi Erlan Turyspekov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, bizdiń sorttar túrli aýrýlarǵa shydaı bermeıtin bolyp shyqty. «Mundaı máseleler baıaǵydan bar, epıfıtotııanyń jańa túrleri paıda boldy. Sondyqtan, selektsııalyq (suryptaý) baǵdarlamalarǵa, ásirese genetıkalyq zertteýler qoldanylatyn baǵdarlamalarǵa azdap túzetý engizý kerek. Biraq, muny bes-alty jyl buryn jasaý kerek edi.
«ıAǵnı, jetkilikti uıymdastyrý jumystarynyń bolmaýynan, únemi keshigemiz de júremiz. Barlyq uıymdy biriktirip, máseleniń aldyn alýǵa jetkilikti qarajat joq», - deıdi Erlan Turyspekov.
