Sarapshy: Qazaqstanda jańǵyrtý protsesterin qoldaý joǵary deńgeıde

ASTANA. QazAqparat - Búgin Astanada «Rýhanı jańǵyrý» baǵdarlamasynyń «Jańa gýmanıtarlyq bilim. Qazaq tilindegi 100 jańa oqýlyq» jobasynyń tanystyrylymynda Memleket basshysy N.Á.Nazarbaevtyń sóılegen sózin talqylaýǵa arnalǵan dóńgelek ústel ótti. Bul týraly QR Premer-Mınıstriniń baspasóz qyzmeti habarlaıdy.

Іs-sharaǵa oqýlyqtardy qazaq tiline aýdarǵan avtorlar, Eýrazııalyq ıntegratsııa ınstıtýtynyń sarapshylary, oqytýshy-professorlar quramy jáne doktoranttar men magıstranttar qatysty.

Dóńgelek ústel aıasynda «Rýhanı jańǵyrý» baǵdarlamasynyń júzege asyrylý barysynyń túrli qyrlary qarastyryldy, bul rette basymdyq Memleket basshysy N.Á.Nazarbaevtyń «Jańa gýmanıtarlyq bilim. Qazaq tilindegi 100 jańa oqýlyq» jobasynyń tanystyrylymynda bergen tapsyrmalaryna basymdyq berýge nazar aýdaryldy.

L.N.Gýmılev atyndaǵy EUÝ Jýrnalıstıka jáne saıasattaný fakýltetiniń dekany, fılologııa ǵylymdarynyń kandıdaty, EUÝ professory Qaırat Saq óziniń kirispe sózinde, «Bolashaqqa baǵdar: rýhanı jańǵyrý» baǵdarlamalyq maqalasynyń qoǵamdyq sanany jańǵyrtý baǵytyndaǵy joǵary rólin atap ótti. Ol Fakýltettiń qazaq tilin latyn qarpine kóshirýge jaǵdaı jasaýǵa baǵyttalǵan ǵylymı-zertteý jobalaryna erekshe nazar aýdardy jáne jastarǵa arnalǵan ǵylymı jobalaý múmkindikteri týraly aıtty.

Eýrazııalyq ıntegratsııa ınstıtýtynyń atynan dırektordyń orynbasary Natalıa Kalashnıkova kirispe sóz sóıledi. Baıandamashy Instıtýt júrgizgen áleýmettik zertteýler kórsetkendeı, qazaqstandyq qoǵamda memleket júrgizetin jańǵyrtý protsesterin qoldaý joǵary deńgeıde ekenin atap ótti. Spıker stýdent jastardyń ulttyq sanany jańǵyrtýdaǵy úlesi, «100 jańa oqýlyq» jobasynyń óskeleń urpaqqa bilim berý isindegi erekshe róli týraly aıtty. Sondaı-aq, Elbasynyń bilim berý men ǵylym salalaryndaǵy «jalpyulttyq oqytý besjyldyǵyn júzege asyrýǵa» múmkindik beretin strategııaǵa kózqarasy erekshe atap ótildi.

Dóńgelek ústel barysynda qatysýshylar Memleket basshysyna tanystyrylǵan «Qazaq tilindegi 100 jańa oqýlyq» jobasy aıasynda shyǵarylǵan oqýlyqtarmen tolyq tanysýǵa múmkindik aldy jáne oqýlyqtyń aýdarmasynyń avtory, KazGıÝÝ qazaq jáne orys tilderi kafedrasynyń meńgerýshisi, fılologııa ǵylymdarynyń kandıdaty, qaýymdastyrylǵan professor Ulan Oraluly Erkinbaevpen kezdesti, ol jańa basylymdy aýdarýǵa kirisken.

Kezdesý barysynda jańa oqýlyqtarmen bilim alatyn saıasattaný kafedrasy magıstranttary men doktoranttary sóz sóıledi.