Sarapshy «Kanelonyń» sońǵy aıqastaǵy basty qateligin aıtty
NUR-SULTAN. QazAqparat – ESPN telearnasynyń sarapshysy Davıd Faıtelson meksıkalyq boksshy Saýl «Kanelo» Alvarestiń jáne onyń komandasynyń reseılik Dmıtrıı Bıvolmen ótken aıqastaǵy basty qateligin aıtty, dep habarlaıdy QazAqparat Sports.kz-ke silteme jasap.
«Meniń oıymsha, munyń bári durys baǵalamaýdan boldy. «Kanelo» men onyń komandasy Bıvoldy tańdap qatelesti. Boks - bul stıl. Bul rette Bıvol jartylaı aýyr salmaqtaǵy chempıondardyń ishindegi eń qıyn qarsylasy boldy. Ol Beterbıevke, Smıtke nemese basqa da jartylaı aýyr salmaqtaǵylarǵa qaraǵanda kóbirek jáne jaqsy judyryqtasady», - dep sanaıdy Faıtelson.
Jeńilisten keıin birden «Kanelo» Bıvoldan revansh ótkizýdi talap etti. Oǵan reseılik boksshy kelisimin berdi. Osylaısha, qyrkúıek aıyna josparlanǵan «Golovkın-Kanelo» trılogııasy keıinge shegeriletin bolady.
