Sarapshy Golovkın men Hopkınstiń tıtýldaryn qorǵaý serııalaryn salystyrdy

ASTANA. QazAqparat - ESPN telearnasynyń jýrnalısi Den Rafael Gennadıı Golovkın (38-1-1, 34 KO) men aty ańyzǵa aınalǵan Bernard Hopkınstiń (55-8-2, 32 KO) álem chempıony ataqtaryn qorǵaý serııalaryn salystyrdy, dep habarlady Sports.kz.

Esterińizge sala ketsek, eki boksshy da álem chempıony ataqtaryn 20 márteden qorǵaǵan bolatyn. Degenmen Golovkınniń Hopkınsns4 rekordyn jańartýǵa múmkindigi boldy. Alaıda meksıkalyq Saýl Alvareske (50-1-2, 34 KO) qarsy rematchda qazaqstandyq boksshy tóreshiler sheshimimen jeńiliske ushyraǵan edi.

«Hopkınstiń birqatar qorǵanysy jartylaı orta salmaqtaǵy daıyndyǵy asa keremet emes chempıondarǵa qarsy ótkendigin bilemin jáne onyń úsheýi Robert Allenmen boldy. Degenmen, onyń óz beldigin qorǵaý maqsatynda ótkizilgen 20 kezdesýi Golovkınge qaraǵanda áldeqaıda tańqalarlyq boldy dep esepteıdi. Men bul kezdesýlerdi qarap shyqtym jáne meniń paıymymsha, olar bir-birine jaqyn. Hopıkınstiń eń úlken jeńisi Tıto men Oskarǵa qarsy boldy: ekeýi de jartylaı orta salmaqta. Golovkın negizinen orta salmaqta judyryqtasty. Men básekelestik turǵysynan alyp qaraǵanda olar bir-birine jaqyn der edim», - dedi Den Rafael.

Eske salaıyq, Golovkın - «Kanelo» rematchy 16 qyrkúıek kúni Amerıka Qurama Shtattarynyń Las-Vegas qalasyndaǵy T-Mobile Arena-synda ótken bolatyn. Nátıjesinde otandasymyz tóreshiler sheshimimen (113-115, 114-114, 113-115) jeńilip, WBA Super, WBC jáne IBO tujyrymdary boıynsha orta salmaqtaǵy chempıondyq beldikterinen aıyryldy.

Eske salaıyq, olardyń birinshi aıqasy byltyr teń nátıjemen aıaqtalǵan edi.