Sarapshy Golovkın men Alvarestiń kúshti jáne álsiz jaqtaryn aıtty
ASTANA. QazAqparat - Belgili bapker jáne ESPN telearnasynyń sarapshysy Teddı Atlas Gennadıı Golovkın men Saýl Alvarestiń aldaǵy ótetin aıqasy jaıly taldaý jasady.
«Eki jyl buryn Golovkın «Kanelo» úshin tym iri ári myqty dep sanadym. Qazir oıym ózgerdi. Golovkınniń jasy ulǵaıdy, boksshy retinde ósken joq. Ony ol sońǵy Brýk jáne Djeıkobspen aıqasynda baıqatty», - dedi Atlas Villainfy Media-ǵa bergen suhbatynda.
«Ekinshi jaǵynan bizde Alvares áli de jas - nebári 26-da. Ol óziniń shyńdalǵanyn, shymyrlanǵanyn kórsetti. Endi olardyń jekpe-jegi eki jyl burynǵyǵa qaraǵanda teńesti. Golovkın maǵan burynǵysha unaı ma, ony aıqas kórsetedi.
Másele onyń iri, myqtylyǵynda emes, qazir ol qartaıdy, birjaqty jáne qarqyny baıaýlap qaldy. Árıne, negizgi másele kúshte ǵoı.
«Kanelo» onyń kúshinen qorǵanýy qajet, ásirese oń jaq soqqysynan. «Kanelo» Golovkındi jeńgisi kelse, onyń joıqyn kúshinen qorǵana bilýi tıis, - dep sózin túıindedi sarapshy.
