Sarapshy gaz ben ınternet baǵasyn salystyrdy
Ortalyq kommýnıkatsııalar qyzmetinde sarapshy suıytylǵan gazdyń baǵasyn Eýropa elderindegi baǵamen salystyryp, mysal keltirdi.
«Qazaqstandaǵy kórsetkishtermen salystyrý úshin halyq tabysyn da salystyrý kerek emes pe», - dedi surady BAQ ókilderi.
«Kez kelgen taýardyń qoljetimdiligi deıtin jalpyálemdik kórsetkish bar. Osy kórsetkish boıynsha Qazaqstan óte jaǵymdy deńgeıde tur. Mysaly eldegi ortasha eńbekaqyǵa Reseı halqyna qaraǵanda kóbirek janarmaı satyp ala alamyz. Negizi Reseıde bizge qaraǵanda tabys joǵary degen tarıhı túsinik qalyptasqan ǵoı. ıAǵnı, tabys pen janarmaı baǵasyn salystyrý tezısi asa bir durys baǵdar deýge kelmeıdi», - dedi maman.
Onyń esebinshe, qazaqstandyq otbasylar kólik janarmaıyna aıyna 14-15 myń teńge jumsap otyr.
«Meniń jýrnalıst áriptesterime mynany aıta ketkim keledi. Biz qazir gazdyń baǵasy bir lıtr úshin 20 teńge qymbattaǵanyn aıtyp otyrmyz. Otbasylyq avtomobıl aıyna orta eseppen 1000 shaqyrym jol júredi. Jańaózende bálkim odan da az shyǵar. 100 shaqyrymǵa 10-12 lıtr janarmaı jaǵady dep eseptesek, bir otbasynyń janarmaıǵa jumsaıtyn aılyq shyǵyny 14-15 myń teńge bolady. Ortasha eńbekaqymen salystyrsaq, sondaı úlken soma emes. Sonda bir lıtr úshin 15-20 teńge baǵa qolsylsa, aılyq shyǵynǵa qosymsha 2000 teńge qosyldy degen sóz. Tipti ınternet úshin budan kóp aqsha tólep otyrmyz ǵoı», - dedi Oljas Baıdildınov.
Aıta keteıik, jyl basynda suıytylǵan gaz óndirýshiler munaı ónimderin elektrondy saýda arqyly satýǵa kóshti. Elektrondy saýdaǵa kóshý suranys pen usynys negizinde suıytylǵan munaı gazynyń baǵasyn teńdestirýge jáne jańa óndiris oryndaryn qurýǵa ınvestıtsııalar tartýǵa da múmkindik beredi.
Buǵan deıin Mańǵystaý oblysynyń ákimdigi suıytylǵan gaz baǵasynyń qymbattaýy týraly pikir bildirdi jáne jıi qoıylatyn suraqtarǵa jaýap berdi. Sonymen qatar Oljas Baıdildınov suıytylǵan gaz baǵasynyń qymbattaýy jóninde pikir bildirdi.
