Sarapshy elordadaǵy qonaqúı bıznesine qatysty pikir bildirdi

ASTANA. QazAqparat – Elordadaǵy qonaqúılerge týrıster az keledi. Bul týraly Qaladaǵy týrızmdi damytý ortalyǵy qaýymdastyǵynyń dırektory Tatıana Vernıtskaıa aıtty, dep habarlaıdy QazAqparat tilshisi.

«Astanada 214 qonaqúı bar jáne olarda meımandardyń ornalasýy deńgeıi ortasha eseppen 26 paıyzdy qurap otyr. Bul kórsetkishti tym az dep aıtýǵa bolady. Qonaqúı qyzmetinen tabys alý úshin onyń bólmeleriniń 40 paıyzynda adam bolýy kerek. Al osy kórsetkish 60 paıyzǵa jetse, onda bul salanyń damyǵanyn kóremiz», - dedi T. Vernıtskaıa agenttik tilshisiniń suraǵyna jaýap bere otyryp.

Onyń paıymynsha, ujymdyq týrızmdi damytýǵa nazar aýdarý kerek.

«EKSPO (2017 jyly) kezinde elordaǵa eńbek ujymdary men mektep oqýshylarynyń kóptep kelýinen mol tájirıbe jınaqtadyq. Nege osyny qaıtalamasqa? Nelikten EKSPO-dan keıin osy baǵyttaǵy jumystar toqtap qaldy? Bul turǵyda tıisti vedomstvolar týrızmge qatysty osyǵan deıingi bastamalardy qaıta pysyqtaýy kerek dep sanaımyn», - dedi sarapshy.