Sarapshy: Elbasynyń Japonııaǵa shaqyrylýy – Tuńǵysh Prezıdentke degen zor qurmetti bildiredi
«Japonııanyń 126-shy ımperatory Narýhıtonyń ıntronızatsııa rásimine qatysýǵa shaqyrýy bizdiń memleketterimiz arasyndaǵy qatynastyń joǵary mártebesin ǵana emes, sonymen birge kúnshyǵys eliniń Qazaqstan Respýblıkasynyń Tuńǵysh Prezıdentine degen qurmetin kórsetedi. Álemniń 130 eliniń basshylary qatysqan jańa ımperatordyń taqqa otyrý rásiminiń japon halqy úshin mańyzy zor. Sebebi, japondar «Reıva» jańa dáýirine aıaq basqaly otyr. Japondar úshin Nursultan Nazarbaevtyń ıadrolyq qarýdy taratpaý máselelerindegi ustanymy erekshe sımvoldyq mánge ıe ekeni jasyryn emes. Japonııa ıadrolyq shabýyldyń qasiretin bastan keshirgen álemdegi birden-bir memleket retinde N.Nazarbaevtyń beıbit bastamalaryn, ásirese jahandyq ıadrolyq qarýsyzdaný salasyndaǵy bastamalaryn joǵary baǵalaıdy. Búgin de bizdiń elimiz - ıadrolyq qarýdy taratpaýǵa eleýli úles qosqan jahandyq antııadrolyq qozǵalystyń kóshbasshysy. Osyny eskere otyryp, 2008 jyly burynǵy ımperator Akıhıto Qazaqstannyń Tuńǵysh Prezıdentine Japonııanyń eń joǵary memlekettik nagradasy - «Uly taspadaǵy Hrızantema ordenin» tapsyrǵan edi», - dedi Erlan Madıev.
Onyń aıtýynsha, Qazaqstan men Japonııanyń antııadrolyq ustanymy - eki eldiń halyqaralyq arenada tyǵyz yntymaqtastyǵyn qamtamasyz etetin mańyzdy ıdeologııalyq element.
«Sonymen, 2015-2017 jyldary Qazaqstan men Japonııa ıadrolyq synaqtarǵa jappaı tyıym salý týraly sharttyń kúshine enýine yqpal etý úshin 9-shy konferentsııanyń teń tóraǵasy boldy. Eki eldi jaqyndastyratyn taǵy bir mańyzdy sala - Koreıa túbegindegi denkýlızatsııa máselesi. KHDR-nyń ıadrolyq daǵdarysty sheshýdegi bastamalary Tokıoda tolyq qoldaý men túsinistikke ıe», - deıdi ol.
