Sarapshy ekpe men balanyń ımmýnıtetine qatysty túsinik berdi
NUR-SULTAN. QazAqparat – Elordadaǵy №4 emhananyń pedıatrııa bóliminiń meńgerýshisi Vıktorııa Vınıchenko ekpe men balanyń ımmýnıtetine qatysty túsinik berdi, dep habarlaıdy QazAqparat tilshisi.
«Balalardyń ımmýnıteti álsiz emes, tek damymaǵan. Eger ekpe qoıylsa, bul óz kezeginde bala ımmýnıtetine damý úshin yntalandyrý jasaldy degendi bildiredi», - dedi dáriger Qazaqstandaǵy mindetti ekpe máselesin talqylaýǵa arnalǵan onlaın konferentsııada.
Onyń sózine qaraǵanda, ımmýnızatsııa jasalǵan balalar vaktsına egilgen aýrýlarǵa kóbine shaldyqpaıdy nemese óte sırek aýyrady jáne ol jeńil formada ótedi. Immýndyq júıe úshin ekpe qorǵanysty iske qosatyn mehanızm.
Budan buryn habarlanǵandaı, Vıktorııa Vınıchenko 2019 jyly vaktsınadan bas tartýdyń 6 003 faktisi tirkelgenin, bul óz kezeginde 1 paıyzdan kem, ıaǵnı 0,12 paıyz shamasynda ekenin atap ótti.
