Sarapshy dollar baǵamyna qatysty: Aıyrbastaý oryndaryna júgirýdiń qajeti joq
NUR-SULTAN. QazAqparat - Valıýta baǵamyna qatysty ekonomıst Sergeı Domnın teńge baǵamynyń ózgerýine qatysty pikir bildirdi, dep habarlaıdy QazAqparat «Habar 24» telearnasyna silteme jasap.
«Keıbir valıýta aıyrbastaý oryndary bir dollardy 400 teńgege baǵalaýda. Qazirgi jaǵdaıda bul laıyqty baǵa ma?», - dep surady telearna tilshisi Sergeı Domnınnen.
Óz kezeginde sarapshy munaı quny, rýbl baǵamy tómendegenin, sondaı-aq teńge baǵamynda ózgeris oryn alǵanyn atap ótti.
«Kóp jaǵdaıda kúıgelektik saldarynan bolǵan aýytqýlar oryn alýda, ıaǵnı bireýler úshin bul spekýlıatıvtik bolyp otyr. Olar osyndaı jaǵdaıdy týyndatýda. Meniń oıymsha, jaǵdaı túzelýi tıis», - dedi S. Domnın.
Sonymen qatar ol el turǵyndaryna birneshe qarapaıym keńesin berdi.
«Birinshiden, baǵamǵa qatysty túsiniksiz jaǵdaıdy kórip turyp, birden aıyrbastaý pýnktine barý kerek emes. Óıtkeni valıýta aıyrbastaý oryndaryna birinshi bolyp barǵandar, vaıýtany aıyrbastaıtyndar úshin qosymsha tabys jasaýǵa múmkindik beredi. Ekinshiden, adamdar óz shyǵyndaryn josparlaýmen aınalysýy kerek, ıaǵnı qadamdardy uzaq merzimge belgileý qajet», - dedi ekonomıst.
