Sarapshy: Boeing ádettegiden 480 shaqyrym soltústikke qaraı jolbaǵytpen ushqan
ASTANA. QazAqparat - Ýkraınada apatqa ushyraǵan Malaızııa avıajelileriniń ushaǵy ádettegiden 480 shaqyrym soltústikke qaraı jolbaǵytpen ushqan, dep málimdedi sarapshy, Aviation International News Safety jýrnalynyń redaktory, kommertsııalyq avıajelilerdiń ushqyshy Robert Mark. Bul týraly reseılik «Jańalyqtar» agenttigi habarlady.
Beısenbi kúni keshte 17 shildede Amsterdam-Kýala-Lýmpýr reısin oryndaǵan Malaysia Airlines kompanııasynyń Boeing 777 ushaǵy Donetsk oblysynda apatqa ushyraǵany belgili boldy, onyń bortynda 298 adam bolǵan. Avıaapatta tiri qalǵandar joq. Kıev bıligi apatqa jasaqshylardy aıyptaıdy, al olar ózderinde mundaı bıiktiktegi ushyp bara jatqan ushaqty atyp túsiretin qarý joq ekenin aıtady.
«Apatqa ushyraǵan ushaq ádettegi marshrýttan 300 mıl ((483 shaqyrym) soltústikke qaraı ushqan. Amsterdamnan Kýala-Lýmpýrǵa ushatyn Malaızııalyq avıajelilerdiń kópshilik reısteri ádette budan edáýir ońtústikke qaraı jolbaǵytpen ushady», dep brıtandyq Telegraph gazeti sarapshynyń sózin keltirilgen.
Al avıakompanııa bolsa, ushaq kelisilgen jolbaǵytpen ushqanyn aıtady. «Bul jolbaǵyt kelisilgen, ony 16 avıakompanııanyń 15-i paıdalanady. Bul qaýipsiz jolbaǵyt - kópshiligi ony paıdalanady. Biz ony ózgertý týraly habarlama alǵan joqpyz», - dedi budan buryn jýrnalısterge Malaızııa avıajelileriniń ókili.
«Ushqysh retinde aıtarym, eger bizge osy jolbaǵytpen júrýge pármen berilse, Ýkraına men Reseı shekarasynda bolyp jatqan sońǵy aptalar men aılardaǵy oqıǵalardy kóre turyp, men eshqashan bul nusqaýdy qabyldamas edim», - dedi Mark.
Budan buryn BAQ ushaq áskerı qaqtyǵystar júrip jatqan aımaq arqyly úshqan, buǵan jol berýge bolmaıtyny týraly úsh aı buryn barlyq halyqaralyq ushqyshtarǵa eskertilgen dep atap ótti. Sáýir aıynda AQSh jáne EO avıatsııa basshylary shyǵys Ýkraınaniń ústimen ushý qaýipti ekenin málimdegen bolatyn. Sirá, kompanııa otyn únemdem, jol qysqartpaq bolýy múmkin», dedi taǵy bir sarapshy, VAA kompanııasynyń qaýipsizdik qyzmetiniń burynǵy basshysy, birneshe brıtandyq áýejaılary bar Norman Shenks «Malaızııalyq ushaq jol qysqartyp, ári otyn únemdemek bolǵan shyǵar», deıdi ol.
