Sarapshy «Bıznestiń jol kartasy-2020» baǵdarlamasyna baǵa berdi
NUR-SULTAN. QazAqparat - «Talap» qoldanbaly zertteýler ortalyǵynyń dırektory Rahym Oshaqbaev «Bıznestiń jol kartasy-2020» baǵdarlamasyn júzege asyrýdyń alǵashqy besjyldyǵyna jasalǵan taldaý nátıjelerimen bólisti, dep habarlaıdy QazAqparat tilshisi.
«Bıznestiń jol kartasy-2020» baǵdarlamasyn júzege asyrý tıimdiligine taldaýdyń bastapqy nátıjesin usynǵym keledi. Bul baǵdarlama 2010 jyly paıda bolǵan edi. Onyń negizgi maqsaty - óńirlerde kásipkerlikti damytý boıynsha biryńǵaı bıýdjettik baǵdarlamany júrgizý. Jospar boıynsha ol kásipkerlerge qoldaý jasaý úshin iske asyryldy. Sonymen birge, ózge de bıýdjettik baǵdarlamalar paıda bolǵanyn kórip otyrmyz, onyń ishinde «Eńbek» baǵdarlamasy da bar», - dep toqtaldy R. Oshaqbaev «Shaǵyn jáne orta bıznestiń damýy Prezıdenttiń nazarynda» atty konferentsııada.
Onyń atap ótýinshe, baǵdarlamanyń keıbir ındıkatorlaryna alǵashqy besjyldyqta qol jetikizilmedi.
«Bıznestiń jol kartasy» baǵdarlmasanyń úsh redaktsııasy bar. Eger de ótken besjyldyqqa taldaý jasasaq, málimdelgen ındıkatorlardyń tek ekeýine qol jetkizilgenin baıqaýǵa bolady», - dedi sarapshy.
«Kelesi jyly aıaqtalýy tıis «Bıznestiń jol kartasy-2020» baǵdarlamasy aıasynda 4 ındıkator eskerilgen, ıaǵnı óńdeýshi ónerkásiptik úlesti 12,5 paıyzdan kem emes deńgeıge jetkizý, shaǵyn jáne orta bıznes ónimderiniń kólemin arttyrý jáne basqa da baǵyttar. Málimdelgen 4 ındıkatordyń úsheýine qol jetkizilmeýi múmkin degen tıisti táýekelder bar. Bul turǵyda baǵdarlamada nemese ındıkatorlarda, sondaı-aq ony júzege asyrý tártibinde kemshilik bar degen paıymǵa kelýge bolady. Osy oraıda, «Nurly jer» baǵdarlamasynan úlgi alýǵa bolatyn tustar bar», - dedi Rahym Oshaqbaev.
