Sarapshy: Biriktirilgen COVID-19 statıstıkasy - óte durys sheshim
NUR-SULTAN. QazAqparat - «Áleýmettik medıtsınalyq saqtandyrý qory» UAK» Medıtsınalyq qyzmetterdi satyp alýdy uıymdastyrý departamentiniń dırektory Svetlana Ponomareva Qazaqstanda COVID-19-ǵa qatysty biryńǵaı statıstıka týraly pikir bildirdi, dep habarlaıdy QazAqparat tilshisi.
«Statıstıkany biriktirý - Densaýlyq saqtaý mınıstrligi qabyldaǵan óte durys sheshim boldy», - deıdi Svetlana Ponamareva.
Ol statıstıkaǵa ótken kezeńdi de kirgizý kerektigin aıtty.
«Dúnıejúzilik densaýlyq saqtaý uıymy usynǵan kod boıynsha esepke alý tamyz aıynan bastaldy. Birizdilik bolý úshin ótken kezeńdegi jaǵdaılardy da esepke alý kerek dep sanaımyn. DDSU usynysy keıin bolǵanyn túsinemiz, biraq oǵan deıingi kezeńde aýyryp, emdelip alǵandar bar. Belgili bir ýaqyt ótkennen keıin olarǵa da saraptama jasap, bir tásil boıynsha statıstıka berý kerek», - deıdi ol.
