Sarapshy bilim salasy boıynsha qandaı sheshimder kerektigin aıtty
«Aǵylshyn tilinde oqytýdy engizý turǵysynda keıbir qıyndyqtar týyndaýda, ıaǵnı úsh aıdyń ishinde muǵalimderdi qaıda daıarlaý sharalary tıisti nátıje bermeıtindigi aıtylýda. Osy jumystarǵa qomaqty qarjy bólinýde. Alaıda 3 aıda bilim berý deńgeıinde tildi meńgerý múmkin emes. Bul baǵytta bizdiń balalardy daıyndaý sapasyn joǵaltýymyz múmkin», - dedi ıÝ. Kýchınskaıa «Nur Otan» partııasynyń kezekti XVIII sezi qarsańynda bilim salasyna arnalǵan paneldik sessııa kezinde tilshiler saýalyna jaýap bere otyryp.
Sonymen qatar ol pedagog mamandar óte jaýapty adamdar ekenin atap ótti.
«Árıne, bizdiń pedagog mamandar óz isine jaýapty adamdar, olar jergilikti jerlerde osy máselelerdi sheshýge tyrysýda. Alaıda biz laıyqty reformalardy júrgizýimiz kerek. Jańadan taǵaıyndalǵan mınıstr óziniń jumysyn mekteptegi muǵalimnen bastady. Meniń oıymsha, ol mekteptegi jaǵdaıdy jaqsy bilgendikten, keıbir túzetýlerdi engizýge múmkindik jasaıdy. Osyǵan deıin atqarylǵan jumystardyń barlyǵy durys bolmady dep aıtqan orynsyz bolar edi. Negizi, atalǵan isti bastamasaq, biz bir orynnan jyljymaıtyn edik. Sondyqtan bul jumysty bastaǵanymyz durys boldy», - dedi ıÝlııa Kýchınskaıa.
Sarapshynyń atap ótýinshe, bilim berý salasynda eksperımentter az bolýy kerek. Sáıkesinshe, salystyra tekserilgen sheshimder iske asyrylǵan jón.
