Sarapshy: Basy artyq bıýrokratııadan arylýdyń birden-bir joly – Elektrondy úkimettiń tájirıbesin paıdalaný
«Memleket basshysy 29 naýryz kúni Parlamenttiń VIII saılanymynyń aldynda sóılegen sózinde kóptegen ózekti máselelerdi kóterdi. Solardyń arasynda memleketti basqarý jáne strategııalyq josparlaý máselelerin qozǵady. Bul baǵyttyń mańyzdylyǵy tıimdi qyzmet atqaratyn memlekettik apparatty qurýda. ıAǵnı, ekonomıkalyq, áleýmettik reformalar qanshalyqty mańyzdy, qanshalyqty basym másele bolsa da, ony jóndi josparlap, durys oryndaıtyn júıe bolmasa, onyń iske aspaýy ábden múmkin», - deıdi sarapshy.
Sondaı-aq, ol Úkimet jáne basqa da bılik organdary qaǵazbastylyqtan arylýy kerektigi talaıdan beri aıtylyp júrgenimen, iske asýy áli de jetkiliksiz deńgeıde qalyp turǵanyn aıtady.
«Shamadan tys bıýrokratızatsııadan arylýdyń birden-bir joly – elektrondy úkimettiń tájirıbesin barynsha paıdalanyp, aýqymyn keńeıtý. Ekimyńynshy jyldardyń ortasynan beri kele jatqan osy bastamanyń arqasynda Qazaqstan tsıfrlandyrý deńgeıi boıynsha úzdik memleketterdiń qatarynda tur. Dúnıejúzilik Banktiń GovTech Maturity Index reıtıngine sáıkes Qazaqstan joǵarǵy «A» tobyna endi.
Memleket basshysy usynǵan «Elektrondy parlament» – elektrondy úkimettiń logıkalyq jalǵasy. Qazirdiń ózinde Senat pen Májilistiń otyrystary tikeleı efırde qoljetimdi jáne qos palatada qozǵalatyn máselelerdi kez kelgen azamat qaraı alady. Ári qaraı damý maqsatynda elektrondy derekqorlarǵa zań jobalaryn júktep, qajet jaǵdaıda kópshilik arasynda talqylaý jarııalap, Parlamenttiń jumysyn barynsha jetildirýge bolady», - deıdi Qýanysh Saılaý.
Onyń pikirinshe, depýtattarǵa da qaǵazbastylyqtan arylatyn kez jetti.
«Bul praktıkany Brazılııa, Koreıa Respýblıkasy, Estonııa sekildi kóptegen memleketterdiń zań shyǵarýshy organdary sátti qoldanady. Depýtattardyń jumysyn osylaısha uıymdastyrý arqyly debıýrokratızatsııaǵa jol ashýǵa bolady.
Bul úderistiń taǵy bir oń yqpaly – bılik basyndaǵy ashyqtyq pen aıqyndyq. «Ashyq NQA» sekildi elektrondy resýrstar barlyq azamattarǵa qoljetimdi. Zań shyǵarý úderisi osylaısha ashyq talqylansa, halyq Parlamenttiń zaldarynda ne talqylanyp jatqanyn bilip otyrady. Qajet bolsa, olar oblys nemese okrýg atynan saılanǵan Senat ne Májilis nemese depýtattarmen baılanysyp, olarǵa óz pikirin de bildire alady. Tikeleı ókilettikti osylaısha qoldanýǵa halqymyzdyń múmkindigi bar», - dedi sarapshy.
Eske salaıyq, Prezıdent Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sessııasynda memlekettik apparat pen norma shyǵarý protsesiniń qyzmetin bıýrokratııasyzdandyrý baǵytyndaǵy jumystardy aıaǵyna jetkizýdi tapsyrǵan bolatyn.
