Sarapshy bassyz ketken baǵany turaqtandyrýdyń joldaryn atady

ASTANA. QazAqparat – Ekonomıst Petr Svoık eń qajetti degen azyq-túlik taýarlarynyń baǵasyn 15 «baǵa zákiri» arqyly aýyzdyqtaýǵa bolatynyn aıtady, dep habarlaıdy QazAqparat tilshisi.

Ekonomıst eldegi baǵany turaqtandyrý úshin tutynýshylardyń tólem qabileti joǵary bolý kerektigin aıtady. Biraq bul jerde baǵa tólem qabiletiniń aldyna túsip ketpeýi kerek.

«Otbasylyq bıýdjetterdiń teń jartysynan kóbi iship-jemge ketip jatyr. ıAǵnı, halyqtyń tólem qabiletin kóterý kerek degen sóz. Tipti bul halyq úshin emes, eldiń ekonomıkasy úshin jasalatyn shara. Ekonomıkada tólem qabileti joǵary tutynýshy bolǵanda ǵana baǵa turaqtanady. Biraq tólem qabiletin arttyrýǵa tyrysyp, baǵany baqylaýǵa tyryspaı qoısaq, odan paıda joq. Baǵaǵa yryq berip qoısaq, eshkim qýyp jete almaıdy», - deıdi sarapshy.

Ol mundaı jaǵdaıda «baǵa zákirleri» degen tásildi qoldaný tıimdi dep esepteıdi.

«…Kem degende 15 «baǵa zákirin» anyqtap alý kerek. ıAǵnı, bul taýarlardyń baǵasyn memleket belgilep, ony turaqty ustap turý úshin ınvestıtsııalyq, kredıttik, monopolııaǵa qarsy, uıymdastyrý tásilderin qoldanady. Ol úshin ishki naryqta memleket baǵa belgileıtin taýardyń tapshylyǵy bolmaýy shart. Muny jasaý qıyn emes. Mindet qoısaq boldy», - deıdi Petr Svoık.

Ekonomıst «baǵa zákirlerin» qandaı taýarlarǵa qoldanýǵa bolatynyn da aıtty.

«Baǵa zákirleri qandaı bolý kerek? Birinshisi – KVt-saǵ. Óıtkeni qajetti taýardyń bári elektr qýatynyń kúshimen óndiriledi. Ekinshisi – benzın nemese dızel. Úshinshisi – un. Ári qaraı bir lıtr kúnbaǵys maıynyń baǵasy men bir lıtr sút baǵasyn belgiler edim. Qurylysta tsement pen armatýranyń, temirjol tasymalynyń baǵasyn belgileý mańyzdy. Qysqasy, memleket 15 zákirdi atap, bulardyń baǵasyn memleket baqylaýynda ustap turǵanda basqa taýarlardyń baǵasy eshqaıda ketpeıtinin túsindirýi kerek», - deıdi sarapshy.