Sarapshy: Azamattarymyzdyń densaýlyǵy – bul absolıýtti basymdyq
NUR-SULTAN. QazAqparat – 10 sáýir kúni Tótenshe jaǵdaı jónindegi komıssııanyń otyrysynda sóılegen sózinde Memleket basshysy Qasym-Jomart Toqaev bizdiń azamattarymyzdyń densaýlyǵy – bul absolıýtti basymdyq ekenin atap ótti. Bul týraly QR Prezıdenti janyndaǵy QSZI Aqparattyq-taldaý jumysy bóliminiń basshysy Asara Muqanova aıtty, dep habarlaıdy QazAqparat.
Onyń aıtýynsha, Prezıdent vırýsty juqtyrý oshaqtaryn anyqtaý boıynsha jumystar barynsha ashyq, al barlyq málimetter jedel rejımde jasyrylmaı jarııalanyp jatqanyn da aıtyp ótti.
«23 naýryzda ótken Tótenshe jaǵdaılar jónindegi komıssııanyń otyrysynda Qasym-Jomart Kemeluly aqparattyq qaýipsizdikti qamtamasyz etý mańyzdy másele dep atady. Jalpy alǵanda, atalǵan Prezıdenttiń tapsyrmasyna sáıkes aqparattyq-túsindirý jumystary úlken kólemde júrgizilip jatqanyna nazar aýdarýǵa bolady. Oǵan búgingi kúni barlyq qazaqstandyq buqaralyq aqparat quraldary jumyldyrylǵan.
Jańa koronavırýs álemde basty taqyrypqa aınaldy. Bul densaýlyq saqtaý salasyndaǵy dúnıejúzilik tótenshe jaǵdaı – sońǵy jyldary Dúnıejúzilik densaýlyq saqtaý uıymy (DDSU) jarııalaǵan altaýdyń biri. Barlyq aqparattar men boljamdarǵa qaramastan, COVID-19 áli de qanshalyqty deńgeıde taraıdy jáne nátıjesi qandaı bolatynyn baǵalaý qıyn. Osy belgisizdikke baılanysty búkil álem jýrnalısteri indet týraly jarııalaýda kóptegen qıyndyqtarǵa tap boldy, sonyń ishinde, jalǵan aqparatpen qalaı kúresý kerektigi, óz qyzmetkerleriniń densaýlyǵy úshin qaýip-qaterdi qalaı azaıtý, óz jarııalanymdarymen halyqtyń úreıin týdyrmaı, qajetti aqparat alýǵa qalaı kómektesý sııaqty máseleler bar. Sonymen qatar, Q.K. Toqaev óz sózinde aıtyp ótkendeı, jaǵdaıdy jete baǵalamaýǵa bolmaıdy, óıtkeni nemquraıdylyq eldiń bolashaǵy úshin aýyr zardaptary bar indettiń qaıtalanýyna ákep soǵý múmkin», - deıdi ol.
Jýrnalıster, basqa da Qazaqstan azamattary sııaqty ózin-ózderi oqshaýlaýy tıis, biraq sonymen qatar olardyń jumysy kópshilik ortada ótedi, al bul vırýs juqtyrýdyń joǵary qaýipin týdyrady.
«Biz indetpen ǵana kúrespeımiz, biz ınfodemııamen de kúresemiz», – dedi óz sózinde DDSU bas dırektory Tedros Adhan Gebreıesýs 15 aqpanda Mıýnhende ótken qaýipsizdik boıynsha konferentsııada. Qasaqana jáne ádeıi jasalmaǵan jalǵan aqparat, onlaın-mıfter men qastandyq sóz baılasý teorııalary sekildi dızınformatsııa dáýirinde, jýrnalıstrer indettiń Qytaıda óndirilgen taýarlar arqyly taralýy týraly, COVID-19 ǵalymdar jasaǵan nemese belgili bir ǵylymı-zertteý zerthanasynda jasalǵandyǵy sııaqty jalǵan aqparattardy ajyratýǵa at salysady.
Búgingi tańda qazaqstandyq BAQ pen jýrnalısterdiń jumysy kúsheıtilgen rejımde júrýde, telearnalardaǵy aqparattyq bloktar, ınternet-basylymdar men baspa BAQ aqparattardy únemi jarııalaıdy, onlaın rejıminde brıfıngter ótkizilip turady, telearna operatorlary oqıǵalardan, sonyń ishinde medıtsınalyq mekemelerden túsirilimder júrgizýde. Óz sıýjetteri men maqalalary úshin jýrnalısterge árdaıym keıipkerler tabýy qajet, jáne olardyń úıi men jumys oryndaryna barýǵa májbúr.
Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynyń sarapshylaryna, bizdiń qyzmetimizge sáıkes BAQ ókilderimen jıi aralasýǵa týra keledi, ásirese qazirgi tótenshe jaǵdaı rejımi kezinde. Biz olardyń is júzinde 24/7 rejıminde qalaı jumys isteıtinin kórip júrmiz, óıtkeni aqparat táýlik boıy jańartylýda, bul rette jýrnalısterdiń bar nazary jumysqa ǵana baǵyttalǵan. Sonymen qatar olardyń da basqa azamattarymyz sııaqty otbasy, balalary, ata-analary, kúndelikti tirshiligi de bar.
Memleket basshysynyń pikirinshe ult densaýlyǵy úshin shaıqas qaharmandary jeke monýmentke laıyqty. Biraq, qazirdiń ózinde-aq qazaqstandyqtar aýyr indettiń taralýymen kúrestiń aldyńǵy shebinde júrgen barlyq azamattarǵa úlken alǵys pen rızashylyq sezimderinen turatyn «ǵajaıyp eskertkish» ornatty.
