Sarapshy: Astana protsesi qazaqstandyq dıplomatııa úshin aıryqsha oqıǵa

ASTANA. QazAqparat - Astana protsesi qazaqstandyq dıplomatııa úshin aıryqsha oqıǵa. Mundaı pikirdi QR Prezıdenti janyndaǵy Qazaqstannyń strategııalyq zertteýler ınstıtýty Syrtqy saıasat jáne halyqaralyq qaýipsizdik bóliminiń ǵylymı qyzmetkeri Anastasııa Reshetnıak bildirdi, dep habarlaıdy QazAqparat.

«Astana protsesi qazaqstandyq dıplomatııa úshin aıryqsha oqıǵa. Beıbit retteýdiń aralyq kezeńi úshin alań retinde usynylǵan Astana barynsha mańyzdy ári názik halyqaralyq problemalarǵa qatysty kelissózderdiń balama mehanızmi retindegi óz rólin nyǵaıtý múmkinshiligin alady. Qazaqstan teńgerimdi kópvektorly saıasat júrgizip, suhbat bastamashylarymen qatar batystyq seriktesterimen de tıimdi yntymaqtastyqty jolǵa qoıǵany úshin mundaı quqyqqa laıyq.

 

Bul sonymen qatar Astanany birqatar mańyzdy máselelerde kelisimge qol jetkizýdiń konstrýktıvti ortalyǵy retinde pash etken Nursultan Nazarbaevtyń bedeli de. Qazaqstan sırııaaralyq kelissózderge baılanysty kezekti márte halyqaralyq nazardy ózine aýdarýy arqyly álemdik saıasatqa oń yqpal etýge qabiletti beıbitshilik súıgish memleket retindegi ımıdjin kúsheıte túsedi», - dedi Reshetnıak.