Sarapshy aralas saılaý júıesiniń artyqshylyqtaryn túsindirdi

ALMATY. QazAqparat - QR Prezıdentiniń janyndaǵy Qazaqstandyq strategııalyq zertteýler ınstıtýtynyń aǵa ǵylymı qyzmetkeri Janar Sanhaeva Májilis jáne máslıhat depýtattaryn aralas saılaý júıesi jaıynda pikir bildirdi, dep habarlaıdy QazAqparat tilshisi.

Janar Sanhaeva Qazaqstanda sońǵy 20 jylda proportsıonaldy saılaý júıesi bolǵanyn, endi saıası naýqan aralas júıe boıynsha ótetinin eske saldy.

«Aralas saılaý júıesiniń ereksheligi – bir mandatty úmitkerler keledi. Búginde bul júıeni kópshilik talqylap jatyr. Bir mandatty saılaý okrýgteri boıynsha saılaý erekshe qyzyǵýshylyq týdyrady, óıtkeni olar Qazaqstanda 20 jylǵa jýyq ýaqyt boıy ótkizilmegen. Aralas saılaý júıesiniń basty artyqshylyǵy, birinshiden, árbir azamattyń saılaýǵa qatysý múmkindigine ıe bolýy. ıAǵnı, árqaısymyz táýelsiz kandıdat retinde óz kandıdatýramyzdy usyna alamyz, úmitkerler partııaǵa qaramastan óziniń saıası kózqarasyn bildire alady. Buryn keıbir zańnamalyq ıdeıalardy ilgeriletý úshin partııa múshesi bolýymyz kerek bolsa, endi ony partııaǵa qaramastan derbes júzege asyrýǵa bolady. Ekinshiden, biz endi Májiliste partııalyq ókildikten bólek, aımaqtyq ókildikterdi kóretin bolamyz, óıtkeni bir mandatty saılaý okrýgteri aımaqtyq bolyp bólinedi. Mysaly, Almaty, Túrkistan oblysynyń aýdandary bar, aýdan sanyna qaraı birneshe depýtat saılanady. Mundaı sátter óte mańyzdy jáne partııalarǵa qaramastan óz qundylyǵyn kórsetýge, qandaı da bir saıası ınstıtýttarǵa qaramastan óz oblysyn, qalasyn nemese aımaǵyn usynýǵa múmkindik beredi», - dep atap ótti sarapshy.

Sonymen qatar, ol jaqynda «QSZI GPS: Gylym. Pikir. Sayasat» alańynda Qyrǵyz Respýblıkasynyń Prezıdenti janyndaǵy USZI ǵylymı qyzmetkeri óz tájirıbesin bóliskenin atap ótti.

«Qyrǵyzstanda 2021 jyly saılaý aralas júıe boıynsha ótti. Bul tájirbıe bizdi qyzyqtyrdy. Sarapshylar saılaý qalaı ótetinin, algorıtmderdi, tehnologııalardy zertteı otyryp, tájirıbe, pikir almasýy qajet. Olardyń saılaý naýqanynyń uqsastyǵy biz úshin ózekti boldy. Osyǵan deıin, 20 jyldaı buryn bizde aralas saılaý júıesi bolǵanyn atap ótkim keledi. Biz qazir soǵan qaıtyp oraldyq», - dedi ol.

Sondaı-aq QSZI sarapshysy osy saılaýǵa jańa saıası partııalar qatysatynyn tilge tıek etti.

Aıtýynsha, bul básekeni arttyrady.

«Jańa partııalardyń qatysýy básekelestikti kúsheıtedi. Bul - jańa urandar, jańa tulǵalar, jańa úgit-nasıhat quraldary. Biz jańa partııalardyń sapaly naýqan ótkizýge múddeli ekenin kórip otyrmyz», - dep qosty ol.

Búgingi tańda Qazaqstanda jeti saıası partııa tirkelgen.

Májilis pen máslıhat depýtattaryn saılaý bir kúnde – 19 naýryzda ótedi.