Sarapshylardyń boljamy: 2025 jyly ınflıatsııa — 8,7%, 2026 jyly 7% bolady
ASTANA. KAZINFORM — Ultyq bank sarapshylar qaýymdastyǵy arasynda júrgizilgen kezekti makrosaýalnama nátıjeleri jarııalady.
— Oǵan sáıkes, Qazaqstan ekonomıkasynyń ósimi 2025 jyly 4,9%-ǵa deıin jaqsardy, al 2026 jyly kórsetkish 4,5% deńgeıinde saqtalady, — delingen Ulttyq bank habarlamasynda.
Brent markaly munaı baǵasy, Qazaqstan ekonomıkasynyń ósýi, ınflıatsııa, bazalyq mólsherleme, taýarlar men qyzmetterdiń eksporty jáne ımporty, sondaı-aq teńge baǵamy — saýalnamanyń negizgi parametrleri boldy.
Ekonomıkanyń ósimi men munaı baǵasy
2025 jylǵa arnalǵan munaı baǵasy boıynsha stsenarıı sharttary aqpanda barrel úshin 75 AQSh dollary deńgeıinde saqtaldy. Al boljam 2026 jáne 2027 jyldarǵa qaıta qaralyp, 72 AQSh dollaryna deıin biraz tómendedi.
Qazaqstan ekonomıkasynyń ósimine qatysty 2025 jylǵa arnalǵan boljam 4,7%-dan 4,9%-ǵa deıin jaqsardy. 2026 jáne 2027 jyldary JІÓ ósýi 4,5%-ǵa teńesedi dep kútiledi.
Inflıatsııa jáne bazalyq mólsherleme
Analıtıkterdiń ınflıatsııa boıynsha boljamdary barlyq boljamdy kezeńde ósý jaǵyna qaraı qaıta qaraldy. Osylaısha, 2025 jylǵa arnalǵan boljamdardyń medıanasy 7,5%-dan 8,7%-ǵa deıin, 2026 jylǵa — 6,5%-dan 7%-ǵa deıin, 2027 jylǵa — 5,6%-dan 5,8%-ǵa deıin ósti.
Inflıatsııa boıynsha boljamdardyń joǵary bolýyna baılanysty 2025 jáne 2026 jyldarǵa arnalǵan jyldyq ortasha bazalyq mólsherlemege qatysty kútýler de arta tústi. Bul analıtıkter bazalyq mólsherleme kóteriledi nemese ol joǵary deńgeıde uzaǵyraq saqtalady dep kútetinin kórsetedi. 2025 jylǵa arnalǵan kútýler 14,7%-dan 15,3%-ǵa deıin, 2026 jylǵa — 11,8%-dan 12,7%-ǵa deıin artty. 2027 jylǵa kútýler 10,5%-dan 10%-ǵa deıin tómendedi.
Saýalnamaǵa Qazaqstannyń makroekonomıkalyq kórsetkishterin taldaýmen jáne boljaýmen aınalysatyn 15 uıym qatysty. Respondentterdiń qataryna naryqtyń kásibı qatysýshylary, zertteý ınstıtýttary, halyqaralyq uıymdar men reıtıngtik agenttikter kiredi. Makroekonomıkalyq saýalnamaǵa qatysýshylar qatary BCC Invest jáne Eýrazııalyq turaqtylyq jáne damý qorynyń analıtıkterimen tolyqty.
Makroekonomıkalyq saýalnamaǵa Ulttyq Bank boljamdary kirmeıtinin atap ótken jón. Onda qazaqstandyq jáne álemdik naryqtardaǵy ahýaldyń damý barysyna qatysty naryqtaǵy kásibı qatysýshylardyń derbes pikirlerine, baǵalaýlaryna jáne kútýlerine sholý jasalǵan.
Buǵan deıin habarlanǵandaı, Ulttyq bank jeltoqsanda qaı óńirlerde ınflıatsııa jedeldegenin málim etti.