Sarapshylardan Konstıtýtsııa qurylysyna baılanysty 1500-den astam usynys túsken

QYZYLORDA. KAZINFORM – Prezıdent Qasym-Jomart Toqaev V Ulttyq quryltaıda Parlament reformasyna arnalǵan jumys tobyna Konstıtýtsııa qurylysyna baılanysty 1500-den astam usynys túskenin málim etti.

- Biz Parlament reformasy boıynsha bes júzden astam túrli usynys aldyq. Biraq sonymen birge zańgerler, sarapshylar, qoǵam qaıratkerleri tarapynan jalpy konstıtýtsııalyq qurylys máseleleri boıynsha úsh ese kóp usynys tústi. Bul máselelerdiń bári qazirgi jumys tobynyń quzyretinen tys, biraq óte negizdi, qyzyǵýshylyq týdyrady jáne muqııat qaraýdy qajet etedi, - dedi Memleket basshysy.

Prezıdenttiń sózine qaraǵanda, bul usynystardyń ishinde memlekettik bılik júıesinde óńirler men etnomádenı birlestikterdiń ókili bolý kerektigi kóp aıtylǵan.

- Árıne, bul elemeýge bolmaıtyn mańyzdy taqyryp. Bul máseleni sheshýge memlekettiń múddesin eskere otyryp, jaýapkershilikpen qaraý kerek ekeni anyq. Barlyq josparlanǵan ózgeris bir-birin organıkalyq túrde tolyqtyrýy kerek, eshqandaı jaǵdaıda ózara qaıshylyqqa túspeýi qajet, - dedi Qasym-Jomart Toqaev.

Aıta keteıik, Kazinform Memleket basshysynyń Ulttyq quryltaıdaǵy sózin translıatsııalap jatyr.