Sarapshylar Reseı bıdaıyn eksporttaýdyń tómendeýin boljaıdy

MÁSKEÝ. KAZINFORM - Baǵa ındeksteri ortalyǵynyń boljamyna sáıkes (2024 jylǵy 1 shilde – 2025 jylǵy 30 maýsym), Reseı bıdaıyn eksporttaý 19,8%-ǵa tómendep, 41,7 mln tonna boldy. Buǵan maýsymnyń ekinshi jartysynda jetkizýdiń kúrt qysqarýy sebep, dep habarlaıdy Kommersant basylymy.

«SovEkon» derekterine sáıkes, eksport kólemi 40,9 mln tonnany quraıdy ( -22 % jyldyq salystyrýda), al «Rýsagrotrans» 41,5 mln tonna (-25,2%) kóleminde bolatynyn boljaıdy.

Qańtar-sáýir aralyǵynda jóneltý 40%-ǵa, al naýryz-sáýirde 60%-ǵa tómendegenin «Reksoft konsaltıng» sarapshylary atap ótti.

Bul jaǵdaıǵa áser etýshi faktorlar qatarynda – ońtústik óńirlerdegi qordyń azaıýy, temirjol tarıfteriniń joǵary bolýy, reseılik rýbldiń nyǵaıýy jáne álemdik baǵalardyń tómendeýi bar.

4 maýsymdaǵy NTB ındeksi – 15,9 myń rýbl/tonna (-2024 jyldyń sońynan beri - 12,7%).
Eksportqa arnalǵan federaldy kvota (15 aqpannan bastap 10,6 mln tonna) tek 76,4%-ǵa ǵana ıgerilgen. Reseı Úkimeti kompanııalarǵa qosymsha kvota lımıtin arttyrǵanymen, sarapshylar bul sharanyń tıimdiligine teris rentabeldilikke baılanysty kúmán keltiredi.

Jańa maýsymda sarapshylar ónim kóleminiń artýyna jáne Taıaý Shyǵys pen Azııa tarapynan suranystyń ósýine baılanysty eksport kólemi 42-45 mln tonnaǵa jetedi dep kútýde.

Aıta keteıik, Reseıde jolaýshylar poıyzy relsten shyǵyp ketti.