Halyqaralyq sarapshylar eldegi sý sharýashylyǵyna baǵa berdi

ASTANA. KAZINFORM – Olaryń pikirinshe, Qazaqstan sý resýrstaryn basqarýdy tsıfrlandyrý baǵytynda durys jolda keledi.

QR Sý resýrstary jáne ırrıgatsııa mınıstrligi baspasóz qyzmetiniń habarlaýynsha, halyqaralyq sarapshylar Qazaqstannyń sý resýrstaryn basqarý, esepke alý jáne bólý júıesin jańǵyrtýǵa baǵyttalǵan bastamalaryn oń baǵalap otyr.

Atap aıtqanda, halyqaralyq keńesshi Mehmet Erdogdý elimiz sý sharýashylyǵy salasyn damytýda durys baǵyt tańdaǵan dep sanaıdy.

«Qazaqstan tsıfrlyq tehnologııalardy engizýde durys baǵytta kele jatyr. Ásirese, ırrıgatsııa jáne sýarý júıelerin basqarý salasynda. Tsıfrlandyrý úlken kólemdegi derektermen jumys isteýge jáne sheshim qabyldaýǵa qajetti aqparatty jınaýǵa múmkindik beredi. Zamanaýı tehnologııalar sýdy tıimdi ári únemdi paıdalanýǵa jol ashady», – dedi Mehmet Erdogdý.

Al Qurǵaq aımaqtardaǵy aýyl sharýashylyǵyn zertteý jónindegi halyqaralyq ortalyqtyń (ICARDA) ǵylymı qyzmetkeri Akmal Akramhanovtyń aıtýynsha, Qazaqstan qabyldap jatqan sheshimder eldegi sý sharýashylyǵynyń odan ári damýyna jol ashady.

«Qazaqstan sý sharýashylyǵy salasyn tsıfrlandyrý baǵytynda aýqymdy jumys júrgizip jatyr. Mańyzdy sheshimder qabyldanyp, bul baǵyttaǵy tıimdi qyzmettiń negizi qalandy. Tsıfrlandyrý úlken aýmaqtardy qamtýǵa, sapaly monıtorıng pen ólsheý júrgizýge, sondaı-aq sý únemdeý tehnologııalaryn engizýdi yntalandyrý tásilderin anyqtaýǵa múmkindik beredi», – dedi ICARDA ǵylymı qyzmetkeri Akmal Akramhanov.

Osyǵan deıin 2026 jyly Sý resýrstarynyń ulttyq aqparattyq júıesi iske qosylatyny týraly jazdyq.