Sarapshylar bolashaqta bolýy múmkin bes qaqtyǵys týraly eskertti

ASTANA. KAZINFORM — Amerıkalyq barlaý jáne sarapshylar aldaǵy bes jylda jergilikti daǵdarystardan jahandyq saldary bar soǵystarǵa ulasýy múmkin birneshe aımaq bar dep boljaıdy, dep habarlaıdy Politico. 

Boljam avtorlary Úndistan men Pákistandy ıadrolyq qaqtyǵystyń negizgi úmitkerleri dep sanaıdy. Buǵan Kashmır janjaly jáne taraptardyń osyǵan uqsas kúshti arsenaldary sebep. Pákistannyń ıadrolyq qarýdan paıdalanýdaǵy tómengi shekti doktrınasy jaǵdaıdy odan saıyn úreılendiredi.

Qytaı bir ýaqytta eki yqtımal qaqtyǵysqa qatysýy múmkin. Avtorlardyń pikirinshe, Taıvan stsenarııi halyqaralyq júıe úshin betburys núktesi jáne Amerıkanyń odaqtastaryna bergen kepildikteriniń eleýli synaǵy bolmaq.

Ekinshi yqtımal qaqtyǵystyń tutaný núktesi — Qytaıdyń Úndistanmen shekaralyq qaqtyǵysy, ol otarshyldyq dáýirden bastaý alady jáne tejeý tetikteriniń joqtyǵy men ózara senimsizdik saldarynan qaýipti shıelenisterge osal bolyp qala beredi.

Batys sarapshylarynyń teorııasyna NATO-ny synaıtyn jáne Batystyń qaýipsizdik kepildikterine eleýli qater tóndiretin Baltyq elderine Reseıdiń gıpotetıkalyq shabýyly da kiredi. Soltústik Koreıada, sarapshylardyń pikirinshe, Kım Chen Yn rejıminiń turaqsyzdyǵy jáne ıadrolyq qarýǵa táýeldilik daǵdarys týdyrýy múmkin.

Eske sala keteıik, Taıland pen Kambodja arasyndaǵy uzaq jyldyq qaqtyǵys nelikten qaıtalanýy múmkin ekeni jaıly jazǵan edik.