Sarapshy teńge baǵamynyń kúrt quldyraýyna ne sebep bolǵanyn túsindirdi
ASTANA. KAZINFORM – 2024 jylǵy 18 maýsymdaǵy saýdanyń qorytyndysy boıynsha dollar baǵamy 458,15 teńge boldy. Bul – sońǵy toǵyz aıdaǵy eń úlken quldyraý.
Qazaqstan qarjygerler qaýymdastyǵynyń jetekshi sarapshysy Zarına Skrıpchenko teńge úshin syrtqy jáne ishki irgeli faktorlar qolaıly bolǵanyn aıtady.
«Sáıkesinshe, baǵamnyń álsireýi ulttyq naryqtyń keıbir qatysýshylarynyń shetel valıýtasyn iri kólemde satyp alýymen, Ulttyq banktiń monetarlyq saıasatyn jumsartý aıasynda sheteldik jáne qazaqstandyq ınvestorlardyń teńgedegi aktıvterden ketýimen, sondaı-aq qarjy naryǵynyń jekelegen kásipqoı qatysýshysynyń shetel valıýtasyn satyp alý boıynsha usynystarymen baılanysty bolýy múmkin», - dep túsindirdi Z.Skrıpchenko.
Onyń aıtýynsha, ulttyq valıýtaǵa qazirgi ishki faktorlar qoldaý kórsete alady. Ulttyq statıstıka bıýrosynyń málimetinshe, 2024 jylǵy qańtar-sáýirde ımporttyń qysqarý qarqynynyń (-7,8%) eksporttyń tómendeýinen (-0,5%) asýy esebinen saýda balansynyń keńeıý úrdisi (+21,3%) saqtalyp otyr.
Ulttyq banktiń málimetinshe, osy toqsanda syrtqy qaryzdy óteý/qyzmet kórsetý boıynsha tólemder $6,5 mlrd, bul ótken kezeńdegi tólemderden 19,4%-ǵa tómen. Tıisinshe, ulttyq valıýtanyń odan ári qunsyzdaný áleýeti Qazaqstannyń saýda balansy profıtsıtiniń ulǵaıýyn, syrtqy boryshty óteý jáne oǵan qyzmet kórsetý boıynsha tólemderdiń qalypty kólemderin, sondaı-aq Ulttyq banktiń operatsııalary sheńberindegi taza satý kóleminiń ulǵaıýyn shekteýi múmkin.
«Qazatomónerkásiptiń» aktsııalary Ulttyq qor qarajatyn ınvestıtsııalaýǵa ruqsat etilgen qarjy quraldarynyń tizimine engizilgen, bul da ishki naryqta shetel valıýtasynyń usynysyn arttyrýǵa septigin tıgizedi, dep sanaıdy sarapshy.
