Sarapshy depýtattardyń saıası mádenıetin 4 ólshemshart boıynsha baǵalaýdy usyndy
ASTANA. KAZINFORM — Memleket tarıhy ınstıtýtynyń dırektory Nurbek Pusyrmanov Qazaqstandyq qoǵamdyq damý ınstıtýty uıymdastyrǵan sarapshylyq klýbynyń otyrysynda saıası mádenıet qalyptastyrý jóninde málimdedi.
— Quryltaı saılaýy belgili bir deńgeıde saıası elıtanyń jańarýyna múmkindik berdi. Endi jańa saıası mádenıet qalyptastyrylýy kerek, — dedi ol.
Sarapshynyń sózinshe, saıası mádenıet aıasynda depýtattarǵa tórt talap qoıǵan jón:
• Birinshisi — kásibılik. Naqtyraq aıtqanda, depýtattardyń beıindik baǵyty boıynsha tereń bilimi men tájirıbesi bolýy kerek. Ne bolmasa, sol sala mamandarymen tyǵyz baılanysta jumys isteýi shart;
• Ekinshi krıterıı — esep berip otyrý. Oǵan saı, depýtattar saılaý aldynda bergen ýádelerin qalaı jáne qanshalyqty oryndap jatqanyn ǵana emes, basqa da jumystarynyń atqarylýy barysy jóninde qoǵamdy árdaıym habardar etip otyrýy qajet. Mundaı esep toqsanyna ne jylyna bir berilýi múmkin;
• Úshinshisi — saraptama jasaı bilý, kommýnıkatsııa t. b. daǵdylardy ıgerý. Bul qasıetter álemde jáne elde bolyp jatqan túrli oqıǵalar men úderisterdi ózara toǵystyryp, taldap, sonyń arasynan durys sheshim shyǵarýǵa kómektesedi;
• Tórtinshisi — saıası etıka. Bul moraldyq turǵydan mańyzdy. Saıası etıka uǵymy amandasqan kezdegi ádepten bastap, depýtattyq qyzmet barysynda belgili bir toptardyń múddesin qorǵaýdan aýlaq bolyp, beıtaraptyq ustanymmen jumys isteýge deıingi kóptegen máseleni qamtıdy.
Aıta keteıik, buǵan deıin Quryltaı depýtattary kýálikterin qashan alatynyn jazǵanbyz.
