Saransk shaxtasynda qaıtys bolǵan kenshilerdiń otbasylaryna ótemaqy beriledi - Qasymbek
ASTANA. QazAqparat - Úkimettiń búgingi otyrysynan keıin ótken baspasóz máslıxatynda QR Investıtsııalar jáne damý mınıstri Jeńis Qasymbek Qaraǵandy oblysy Saransk shaxtasynda qaıtys bolǵandardyń otbasylaryna ótemaqynyń beriletinin jetkizdi, dep xabarlaıdy QazAqparat tilshisi.
Mınıstrdiń aıtýynsha, búginde atalǵan tótenshe jaǵdaı boıynsha arnaıy komıssııa qurylyp, oqıǵa ornynda jumys júrgizilýde. «Kúni keshe biz Qaraǵandyda komıssııanyń keńesin ótkizdik. Tergeý amaldaryna on kún berildi. Menińshe, kelesi senbige deıin biz apattyń naqty sebebin aıta alamyz. Árıne, aldyn ala boljam bar. Degenmen, bizge naqty málimet kerek», - dedi J.Qasymbek.
Onyń aıtýynsha, Saran shaxtasynda qaıtys bolǵandardyń otbasylaryna bir jyldyq jalaqynyń on eselengen kóleminde ótemaqy beriledi. Ony jumys berýshi óteıdi.
Aıta keteıik, ótken aptada «ArseloMıttal Temirtaý» kompanııasyna qarasty Saransk shaxtasynda tótenshe jaǵdaı boldy. Adamdardy tasýǵa arnalǵan monorelsti arbalardyń biri ajyrap, tómen qaraı quldılap ketken. Arbada jóndeýshi brıgada bolǵan. Úsh kenshi oqıǵa ornynda metr bolsa, taǵy bireýi jansaqtaý bólimine túsken. Alaıda, artynan ol da kóz jumdy. Qazir birneshe adam aýrýxanada jatyr.
