Sarandaǵy jańa jylý qazandyǵy nege tolyq qýatynda jumys istemeı tur — ákim jaýaby

ASTANA. KAZINFORM — Saranda ortalyq jylý qazandyǵyn salý aıaqtaldy. Alaıda iske qosý jumystary kezinde aqaý anyqtalyp, ýaqytsha jergilikti jylý qazandyqtary qosyldy. Bul týraly Qaraǵandy oblysynyń ákimi Ermaǵanbet Bólekpaev málimdedi.

«Saranda biz Ortalyq jylý qazandyǵyn salý jumysyn aıaqtadyq. Alaıda, ózderińiz biletindeı, iske qosý jumystary kezinde jylý berý júıesinen aqaý shyǵyp, qosymsha resýrstar iske qosyldy. Qazir úılerge jylý Ortalyq jylý qazandyǵynan da, sonymen qatar rezervtik jeke qazandyqtardan da berilýde. Jańa jylý berý ortalyǵynda birinshi jáne ekinshi qazandyqtar jumys istep tur, al úshinshi jáne tórtinshi qazandyqtar boıynsha qalpyna keltirý jumystary júrgizilýde», — dedi oblys basshysy OKQ alańynda ótken baspasóz máslıhatynda.

Odan bólek, óńir basshysy Ortalyq jylý qazandyǵy tolyq qýatynda iske qosylǵanda qalanyń turǵyn úıler alaptaryn ǵana emes, Saran ındýstrıaldyq aımaǵyn da, RTÓ (rezınatehnıkalyq ónimder) shaǵynaýdanyn da jylýmen qamtıtynyn atap ótti.

Buǵan deıin Saran qalasyndaǵy turǵyn úılerge jylý jetpeı jatqanyn jazǵan edik. 

Osy oqıǵadan soń Sarandaǵy jylý maýsymynda olqylyq jibergen jaýapty tulǵalar jazalandy.