Sarandaǵy turmystyq tehnıka zaýyty 70 myń dana otandyq ónim shyǵardy

ASTANA. KAZINFORM – Sarandaǵy turmystyq tehnıka zaýyty 70 myń dana otandyq ónim shyǵardy. Bul týraly Úkimet otyrysynan keıingi brıfıngte Ónerkásip jáne qurylys mınıstri Qanat Sharlapaev aıtty.

«Qaraǵandy oblysynyń Saran qalasynda 70 myń dana otandyq turmystyq tehnıka shyǵaryldy. Buǵan qosa, osy jyldyń 4 toqsanynda Samsung turmystyq tehnıkalaryn shyǵarý qolǵa alynady dep úmittenemiz. Kelisim qol qoıý satysynda tur. Olar - teledıdarlar men kir jýatyn mashınalar. Munan bólek, «Alataý» ınnovatsııalyq jobalar parkinde Huawei teledıdarlary shyǵarylyp jatyr. Aıyna shamamen 5-7,5 myń teledıdar qurastyramyz. Almaty turmystyq tehnıka zaýyty bar. Ol turmystyq tehnıkalalardyń bıýdjettik brendterin shyǵarady. ıAǵnı, turmystyq tehnıka turǵysynan alǵanda bizde otandyq óndiris jolǵa qoıylǵan», - dedi mınıstr.

Sonymen qatar onyń atap ótýinshe, Samsung kompanııasymen elimizde jyl saıyn 400 myń turmystyq tehnıka shyǵarý kelisimi bar.

«Syrttan ákelinetin taýarlarǵa qaraǵanda otandyq turmystyq tehnıkalar álde qaıda arzan bolady dep oılaımyn. Tehnıkanyń plastıkten jasalatyn korpýsy zaýyttyń ózinde quıylady. Qural-jabdyqtar ákelingen. Logıstıkalyq mol shyǵyndy qajet etetin bólshekter de Qazaqstanda shyǵarylady», - dedi ol.