Sarandaǵy shına zaýyty 100-den astam ólshemmen dóńgelek shyǵarmaqshy
ASTANA. KAZINFORM — Qaraǵandy oblysynyń Saran qalasyndaǵy shına zaýytynyń ónimderi nege qazaqstandyqtar arasynda tanymal emes? Úkimet otyrysynan keıin ótken baspasóz máslıhatynda osy mándegi suraqtar qoıyldy.
Ónerkásip jáne qurylys mınıstriniń orynbasary Oljas Saparbekov brıfıng kezinde otandyq marketpleısterde atalǵan kásiporyn ónimderi erkin satylyp jatqanyn óz uıaly telefonyndaǵy qosymsha arqyly dáleldeýge tyrysty.
— Shına zaýyty iske qosylǵannan beri Saranda 300 myń avtomobıl dóńgelegi shyǵaryldy. Onyń ishinde bıyl 200 myń danasyn shyǵarý josparlanǵan. Qazir 37 ólshemdegi dóńgelek jasalady. Dóńgelek ólshemderiniń sanyn 100-den asyrý kózdelip otyr. Biz óndiristi odan ári keńeıtip, basqa da segmentterdi qamtýdy josparlap otyrmyz, — dedi vıtse-mınıstr.
Eske salsaq, byltyr kúzde Saran qalasy tarıhta tuńǵysh ret eleýli salyq túsimi qalyptasa bastaǵany aıtylǵan edi.
