Saranda Ortalyq Azııadaǵy eń iri kún elektr stantsııasy iske qosylady

ASTANA. QazAqparat - Osy jyldyń jeltoqsan aıynda Qaraǵandy oblysy Saran qalasynda 160 gektar aýmaqty alyp jatqan Ortalyq Azııadaǵy iri kún elektr stantsııasy óz jumysyn bastaıdy, dep habarlaıdy QazAqparat tilshisi.

«Osy jyldyń eń jarqyn jobalarynyń biri týraly aıta keteıin. Ol - Ortalyq Azııadaǵy qýattylyǵy 100 megavatt bolatyn kún elektr stantsııasy. Naqtyraq aıtsam, Saran qalasynda 160 gektar aýmaqta 307 myń kún paneli jumysyn bastaıdy. Erekshe atap óterligi osy kún elektr stantsııasynan bólinetin energııa - Saran sekildi on birdeı qalaǵa jetkilikti bolady», - dedi Erlan Qoshanov búgin Ortalyq kommýnıkatsııalar qyzmetinde ótken brıfıng barysynda.

Osy rette jeltoqsanda ashylatyn kún elektr stantsııasynyń ashylýyna Qaraǵandy oblysynyń ákimi tilshiler qaýymyn arnaıy shaqyrdy.

Eske sala ketsek, atalmysh brıfıngte Erlan Qoshanov oblystaǵy týrızm salasyn órkendetý jumysy jáne Qaraǵandyny qalaısha mıllıon turǵyny bar aınaldyrý jumysy jumysy qalaı júrgizilip jatqanyn habarlaǵan edi.