Saranda qaǵaz ónerkásibi qalaı paıda boldy
Jalpy alǵanda, kásiporynnyń assortımenti úlken – dárethana qaǵazdary men maılyqtardan, qaǵaz súlgilerden bastap dárethana jabyndaryna deıin.
Sunpaper jas kompanııasy birneshe jyl buryn óziniń óndiristik alańyn Almatydan Qaraǵandy oblysynyń monoqalasyna kóshirdi. Burynǵy avtobaza ornynda zamanaýı jabdyqtary bar tsehtar salyndy.
– Munda avtobaza boldy, ol quldyraý jyldarynda jabylyp qalǵan edi. Aýmaq qoldan qolǵa ótti: plastıkalyq terezeler jasaldy, sodan keıin ártúrli qurylys kompanııalary boldy. Osylaısha alań quldyrap qaldy. 2014 jyly aýmaqty bizdiń kompanııa satyp aldy. Qalpyna keltirý jumystaryn, ǵımarattardy qaıta jańartýdy, tsehtardy, qoımalardy daıyndaý jumystaryn júrgizdik. Birinshi kezeń aıaqtalǵannan keıin stanoktardy Almatydan Saranǵa tasymaldaý jáne óndiristi birtindep iske qosý bastaldy. 2017 jyldyń aıaǵynan bastap óndiris tolyǵymen osynda kóshirildi. Qazir Almaty men Nur-Sultanda fılıaldar jumys isteıdi, – dedi «Sunpaper» JShS óndiris jónindegi menedjeri Igor Pehterev.
HoReCa sektory – qonaq úı jáne meıramhana bıznesi úshin kásibı ónimnen bastaldy. Qoǵamdyq oryndarda paıdalaný úshin qaǵaz ónimderin shyǵara bastady: maılyqtar, qaǵaz súlgiler, «djýmbo» dárethana qaǵazy. Qazaqstanda munymen eshkim aınalyspady, sondyqtan naryqta ol óz ornyn aldy.
Otandyq ónim suranysqa ıe boldy. Onyń sapasy ımporttyq taýarlardan kem túspeıdi.
Ýaqyt óte kele stanoktar parki jańartyldy, assortıment ósti, korporatıvtik klıentter kóbeıdi. Búgingi tańda maılyqtar, qaǵaz súlgilerdi úıde paıdalaný úshin satyp alýǵa bolady – olardy iri sýpermarketter satady.
Igor Pehterev sheberhanalardy aralatyp, qaǵaz óndirisin ishinen kórsetti.
– Men osynda jumysqa ornalasqanymda, bir úlken qaǵaz oramyn alyp, ony kishkene oramdarǵa oraýdyń ne qıyndyǵy bar dep oıladym. Shyn máninde, kóptegen tehnıkalyq qurııalar bar, onyń ishinde jumsaqtyq berý úshin qaǵaz qabattarynyń bederlenýi men lamınatsııalanýyn qamtamasyz etý kerek. Biz tek 100 paıyz tsellıýlozadan ónim shyǵaramyz. Bul onyń sapasyna áser etedi, – deıdi menedjer.
Saran qalasyndaǵy zaýytta 80-ge jýyq adam jumys isteıdi. Ujym negizinen jas mamandardan quralǵan. Olardyń basym bóligi – áıelder, olar konveıerde turady, oraýysh-tósegishtermen jumys isteıdi. Stanoktarǵa qyzmet kórsetý – bul negizinen erler bóligi boıynsha.
– Áıelderdiń sany erlermen salystyrǵanda 60/40 quraıdy. Ózim Ortalyq Qazaqstan Akademııasynyń túlegi bolyp jumysqa turdym. Sala sonshalyqty keń emes, Qaraǵandy oblysynda biz osyndaı jalǵyz óndirispiz. Biz mamandardy ózimiz úshin daıyndaımyz jáne qyzmetkerler úshin eń qolaıly jaǵdaı jasaýǵa tyrysamyz. Tegin tamaq, jumys avtobýsy aýysymnan keıin kásiporynǵa jáne úıge jetkiziledi, – dedi Igor Pehterev.
Munda tek Saran qalasynyń ǵana emes, jaqyn mańdaǵy aýyldardyń da turǵyndary jumys tapty.
-Men bilimim boıynsha tehnık-qurylysshymyn. Osy mamandyq boıynsha bilim alǵan soń, balaly boldym, dekrette otyrdym. Jańa óndiris ashylyp jatqanyn estigende, ony synap kórýdi sheshtim. Munda tseh negizi qalanǵannan beri jumys isteımin. Men óz mamandyǵymdy ózgertkenime ókinbeımin. Jańa jabdyqty ıgerdim. Al buǵan deıin men munyń qanshalyqty qyzyqty ekenin elestete almadym, – dep bólisti oraýshy Olga Mogılnıkova.
Pavel Zanochı Saran gýmanıtarlyq-tehnıkalyq kolledjinde slesar-mehanık mamandyǵy boıynsha bilim alǵan. Ol oqýyn bitire sala, birden Sunpaper-ge jumysqa ornalasqan.
– Basynda qarapaıym operator boldym. Qazir 4-shi sanattaǵy qaǵazdan buıymdar shyǵaratyn mashına mashınısi, qaǵaz ónimderin shyǵaratyn úlken jeliniń konverterinde jumys isteımin. Joǵary tehnıkalyq bilim alǵanmyn. Kóp nárse meniń biliktiligime baılanysty. Men belgili bir standartqa saı bolý úshin ónimniń sapasyn baqylaýym kerek, – deıdi maman.
Kásiporyn Monoqalalardy damytý, «Bıznestiń jol kartasy» memlekettik baǵdarlamalarynyń qatysýshysy. Bıyl munda jańa joba josparlanǵan - qazir shıkizat shetelden satyp alynady, al qaǵaz negizin óz betinshe daıyndaıtyn bolady. Esepteýler boıynsha, bul zaýyttyń qýatyn jylyna 21,4 myń tonnaǵa deıin arttyrýǵa múmkindik beredi.
