Saran shahtasynyń jumysshylary sotqa tartyldy
QARAǴANDY. QazAqparat - Saran shahtasynda úsh kenshiniń ólimine qatysty «ArselorMıtal Temirtaý» AQ kómir departamentiniń úsh laýazymdy tulǵasyna qatysty sot otyrysy ótti, dep habarlaıdy «QazAqparat» HAA tilshisi.
Saran qalalyq soty keńsesiniń basshysy, baspasóz hatshysy Bıbigúl Úsipbekovanyń habarlaýynsha, olardyń úsheýine de «kepil» bultartpaý sharasy qoldanylǵan.
Sottalýshylarǵa - «Ferrıt» monorelstik dızeldik tasyǵysh kóliginiń mashınısteri Evgenıı Trofımovıch pen Sergeı Mıshın jáne rels kóligi ýchaskesiniń basshysy Dmıtrıı Arabadjıge Qylmystyq kodekstiń 156-baby, 4-bóligi («Ek nemese odan da kóp adamnyń ólimine ákep soqqan eńbekti qorǵaý qaǵıdalaryn buzý») boıynsha aıyp taǵyldy.
Qaıǵyly oqıǵa 2016 jyly 10 qarashada, shamamen saǵat 14:20-da 7-gorızontta K9 bas konveıerlik eńistiń burylysyndaǵy 45-pıkette boldy. Jolaýshylar kabınasynyń proýshınasy synǵan jáne ajyraǵan. Sonyń saldarynan 12 kenshi mingen jolaýshylar kabınasy tómenge quldılaǵan. 220 metr eńiske quldılaǵan kabına jyldamdyǵy údegen. Osy kezde jolaýshylar kabınasy qabyrǵaǵa soǵylyp, saldarynan úsh jumysshy qazylǵan jerge qulap túsken.
QR IDM respýblıkalyq komıssııasynyń sheshimimen Saran shahtasynyń dırektory Sergeı Mýstıvko jáne taǵy 15 laýazymdy tulǵa tórt jumysshynyń ólimine jaýapty dep tanyldy. QR IDM Indýstrıaldy damý jáne óndiristik qaýipsizdik komıteti tóraǵasynyń orynbasary Nurbek Qunanbaevtyń basshylyǵymen komıssııa músheleri 16 adamdy aıypty dep tapty. Barlyǵy qaýipsizdik tehnıkasy boıynsha emtıhan tapsyrýǵa jiberildi.
Іs boıynsha úsh adam sotqa tartyldy, al ózge jaýapty tulǵalar tergeý barysyna barynsha kómek kórsetip, áreketterine ókinish bildirgendikten jaýapkershilikten bosatyldy.
Eske sala ketsek , 10 qarasha kúni Saran shahtasynda bolǵan qaıǵyly oqıǵada tórt kenshi ajal qushty. Taǵy bes kenshi aýyr jaraqat aldy. Oqıǵaǵa jumysshylardyń kinási bolmaǵany, jumys berýshiniń júz paıyz aıypty ekendigi anyqtaldy.
