Saran shahtasynda kenshi qaza tapty
QARAǴANDY. QazAqparat - Qaraǵandy oblysyndaǵy Saran shahtasynda kenshi qaza tapty, dep habarlaıdy QazAqparat tilshisi.
Oqıǵa 6 qarashada boldy. Atalmysh ken orny «ArselorMıttal Temirtaý» AQ-na qarasty. Kompanııa basshylyǵy oqıǵa oryn alǵan bette dereý tıisti memlekettik organdar men kásipodaq uıymyn habardar etkenin málimdedi.
«Kenshiniń qaza tapqany jaıly jaqyndaryna shahta ákimshiligi men kásipodaq ókilderi estirtti. Kásiporyn jumysy toqtatyldy», - dep habarlady «ArselorMıttal Temirtaý» AQ baspasóz qyzmeti.
Jazataıym oqıǵany tekserý maqsatynda memlekettik komıssııa quryldy.
