«Saran» shahtasynda qaza bolǵan kenshiniń artynda eki balasy qaldy
QARAǴANDY. QazAqparat - «Saran» shahtasynda qaza bolǵandardyń eń jasy 33 jasqa aıaq basqan Meıram Janysbaev, eń egdesi eki kúnnen keıin 57-ge tolatyn Murat Nurmaǵambetov, dep habarlady «QazAqparat» HAA tilshisi.
Qaza tapqan kenshi jaıly onyń týystary aıtyp berdi. «Meıram jeltoqsanda 33-ke kelýshi edi. Ol grantpen polıtehti bitirgen. «Saran» shahtasyna jaqynda ornalasqan. Bir aıdan endi asty. Bes jyl buryn úılengen. Artynda 3 jas jáne 1 jasqa tolmaǵan eki kishkentaı balasy qaldy, - dedi Meıramnyń ápkesi Gúlzıra Janysbekova. - Meıram endi ómirde joq degenge sene alar emepin».
« Murat 12 qarashada 57-ge tolar edi. Shahtada 30 jyldan astam ýaqyt eńbek etti. «Jerasty elektr slesari mamandyǵyn aldy. Áskerge deıin de shahtada jumys istedi. Bul jerde 15 jyl eńbek etti. Ótken jyly «Shahterlik ataq» aldy. Shahtada ony barlyǵy biletin, syıly edi», - dedi onyń aǵasy. Onyń áıeli, eki eresek balalary bar.
Qaza bolǵan 56 jastaǵy Edýard Lesnekov jesir bolatyn. Ulyn ósirdi. Marqumdardy jerleý senbi-jeksenbide ótedi. «QazAqparat» HAA marqumdardyń týǵan-týystaryna kóńil aıtady.
Budan buryn habarlanǵandaı, Qaraǵandy oblysynda 10 qarashada shahtada bolǵan apat saldarynan úsh adam qaza taýyp, bes adam zardap shekti.
