Saran monoqala tiziminen shyǵaryldy
ASTANA. KAZINFORM – Ónerkásip jáne qurylys mınıstri Qanat Sharlapaev Úkimet otyrysynda mashına jasaý salasynyń el ekonomıkasyna qalaı áser etip jatqanyn aıtty.
«Ekibastuz qalasynda temir jol salasyna arnalǵan buıymdardyń keń spektrin óndiretin 6 kásiporynnan turatyn klaster quryldy. Munda 2 myń adam jumys isteıdi. Qazirgi ýaqytta 104,2 mlrd teńgege qosymsha 3 joba iske asyrylýda. Saran qalasynda 6 kásiporynnan turatyn klaster quryldy, onyń úsheýi mashına jasaý salasyna tıesili. Búgingi kúni 2 jańa joba, onyń ishinde turmystyq tehnıkaǵa arnalǵan elektr komponentter óndirisi pysyqtalýda. Nátıjesinde, óndiris oryndarynyń ártaraptylyǵy Sarandy monoqala mártebesinen shyǵarýǵa múmkindik berdi», - dedi vedomstvo basshysy.
Sondaı-aq ol kelshekte klasterlik tásildi mashına jasaýdyń basqa sektorlaryna da taratý josparda bar ekenin aıtty.
Qanat Sharlapaev aldaǵy 5 jyldy bul salaǵa shamamen 600 mlrd teńge bólý pysyqtalyp jatqanyn aıtty.
