Saran men Shahtınsk qalalarynda kópbalaly otbasylarǵa balabaqshalarda jeńildik beriledi
NUR-SULTAN. QazAqparat - Saran men Shahtınskidegi kópbalaly ata-analar balabaqshalardaǵy tamaqtandyrý qunynyń jartysyn ǵana tóleıtin bolady. Bul týraly brıfıng barysynda Qaraǵandy oblysy bilim basqarmasynyń basshysy Esenǵazy Imanǵalıev málimdedi.
- Bastaýysh synyp oqýshylaryn ystyq tamaqpen qamtamasyz etýge, jazǵy mektep janyndaǵy lagerlerde demalystaryn uıymdastyrýǵa jáne úıirmeler men sektsııalarǵa tegin barýy úshin jergilikti bıýdjetten qarajat bólý máseleleri sheshildi. 1-4 synyp oqýshylary úshin uzartylǵan kún toptaryn ashý máselesi jańa oqý jylynyń basynda sheshiletin bolady. Shahtınsk jáne Saran qalalarynda balabaqshalarda tamaqtanýǵa 50% jeńildik berý máselesi sheshildi, al qalǵan óńirlerde bul suraq áli de qarastyrylýda, - dep málimdedi Esenǵazy Imanǵalıev.
Qaraǵandy oblysynda kóp balaly otbasylarda jalpy eseptegende 15 507 bala tárbıelenýde. Onyń 14 125-i mektep oqýshylary bolsa, 1 382-i balabaqshaǵa barady.
