Saran kún elektr stantsııasy bıyl paıdalanýǵa beriledi
SARAN. QazAqparat -Saranda qýattylyǵy 100 MVt kún elektr stantsııasynyń qurylysy aıaqtalýǵa jaqyn. Ol jaıly qala ákimi Erjan Temirhanov málimdedi, dep habarlaıdy oblys ákiminiń saıty.
Onyń aıtýynsha, kún elektr stantsııasy 2018 jyldyń qarashasynda iske qosylady.
«Montajdyq-qurylys jumystary osy jyldyń jaz aılarynyń basynan bastap belsendi fazaǵa aýysqan. Alańda úsh júzge jýyq adam jumys istep jatyr. Qarashanyń sońynda joba aıaqtalady. Barlyǵy josparǵa saı ótip jatyr, jobany júzege asyrýmen baılanysty qıyndyqtar joq», - dedi Erjan Temirhanov.
Kún elektr stantsııasynyń qurylysy 2017-shi jyldyń 7-shi maýsymynda bastalǵan. Sol kezde qurylys ornynda oblys ákimi Erlan Qoshanov pen jobanyń bas ınvestory ıAn Zonnenshaın estelik kapsýlyn salǵan bolatyn. Elektr stantsııasy 160 gektar jerde ornalasady. Munda 370 myńnan astam kún panelderi ornatylady. Elektr qýatyn óndirýdiń bir jyldyq mólsheri 145 mln kVt/saǵ quraıdy. Stantsııanyń qýattylyǵy - 100 MVT, Salystyrar bolsaq, Saran bul kólemnen 10 ese az qýat paıdalanady.
«Kún elektr stantsııasy jeke sheteldik ınvestıtsııalar esebinen salynyp jatyr, olardyń jalpy kólemi 340 mıllıon dollardy quraıdy, - dep atap ótti», - Saran qalasynyń ákimi.
