Saran qalasynda avtobýs qaǵyp ketken 35 jastaǵy turǵyn mert boldy
QARAǴANDY. QazAqparat - Qaraǵandy oblysynyń Saran qalasynda avtobýs er adamdy qaǵyp ketti. Ol alǵan jaraqatynan oqıǵa ornynda kóz jumdy, dep habarlaıdy QazAqparat tilshisi.
18 qarasha tańǵy saǵat 4:00 kezinde Saran qalasynan bes shaqyrym jerdegi «Saran» shahtasynyń mańynda 55 jastaǵy Setra jumys avtobýsynyń júrgizýshisi 35 jastaǵy er adamdy qaǵyp ketti.
Qala turǵyny alǵan jaraqatynan oqıǵa ornynda qaza boldy. Aldyn ala málimet boıynsha, júrgizýshi rýlge ıe bola almaı qalǵan.
Jol-kólik oqıǵasy kezinde avtobýs salonynda jolaýshylar bolǵan joq.
«Atalǵan fakti Saran qalasynyń polıtsııa bóliminde tirkelip, tıisti saraptamalar taǵaıyndaldy» dep habarlady Qaraǵandy oblysy PD baspasóz qyzmeti.
