Saran qalasy tarıhta tuńǵysh ret eleýli salyq túsimin qalyptastyra bastady

ASTANA. KAZINFORM – Saran qalasy monoqala tiziminen shyǵarylyp, tarıhta tuńǵysh ret eleýli salyq túsimin qalyptastyra bastady. Bul týraly Qaraǵandy oblysynyń ákimi Ermaǵanbet Bólekpaev málimdedi.

«Qaraǵandy oblysyndaǵy ındýstrııalyq jańǵyrtý salasyndaǵy tabysty bastama Saran qalasynda júzege asty. Búginde ol Úkimettiń qoldaýymen qala ekonomıkasyn ártaraptandyrýdyń jarqyn úlgisine aınalǵanyn aıtqym keledi. Ol monoqala mártebesinen shyǵarylyp, alǵash ret tarıhta aıtarlyqtaı salyqtyq túsimder bere bastady. Qazir ónerkásip óndirisiniń 93,2%-y óńdeý salasyna tıesili. Bul eń aldymen Saran ındýstrıaldy aımaǵyn damytý nátıjesinde múmkin boldy. Qazirgi tańda 400 mlrd teńge kóleminde 9 joba iske asyrylyp jatyr, – dedi Ermaǵanbet Bólekpaev OKQ alańynda ótken brıfıngte.

Júzege asyrylǵan jobalardyń arasynda oblys ákimi avtobýs shyǵarý, avtomobıl dóńgelekteri men turmystyq tehnıka óndiretin zaýyttardy erekshe atap ótti.

«Prezıdenttiń tapsyrmasy boıynsha bul tájirıbe bizdiń oblysymyzdyń basqa monoqalalarynda – Temirtaý, Balqash, Shahtınsk jáne Abaı qalalarynda da engizilýde», – dedi ákim.

Aıta keteıik, Qaraǵandy oblysynda jyl sońyna deıin 500 myń sharshy metr turǵyn úı salynady.

Óńir ekonomıkasyna jyl basynan beri 680 mlrd teńge ınvestıtsııa quıyldy

Odan bólek, Qaraǵandy oblysy eldiń jumysshy mamandyqtar daıyndaý ortalyǵyna aınalmaq.

Sondaı-aq, Qaraǵandy oblysynda 1 myń shaqyrymnan astam jol jóndelgeni habarlandy.

Buǵan deıin oblys ákimi Saranda jańadan salynǵan jylý qazandyǵy nege tolyq jumys istemeı turǵanyn túsindirgen edi.