Saralanǵan tarıfti engizý arqasynda sý arnalary ótken jyly shamamen 2 mlrd. teńgeniń sýyn únemdedi

Bul týraly búgin Úkimettiń selektorlyq rejimdegi otyrysynda atalǵan vedomstvonyń basshysy Murat Ospanov málim etti.

Onyń atap ótýinshe, elimizdiń barlyq óńirlerinde tutynýshylar toptary boıynsha sýǵa saralǵan tarıf engizilgen. Sonymen qatar tutyný kólemi boıynsha eki deńgeıli sralanǵan tarıf engizý baǵytyndaǵy jumystar da júrgizilýde. Atalǵan tarıf búgingi tańda Almaty, Atyraý, Jambyl, Qaraǵandy, Qyzylorda, Mańǵystaý, Pavlodar oblystary men Astana qalasynda engizilgen.

«Tolyqtaı alǵanda 2011 jyly sý arnalarynyń kirisi 9,8 mlrd. teńgege deıin ulǵaıyp, sý únemdeý shamamen 2 mlrd. teńgeni qurady. 2012-2013 jyldary 2 deńgeıli tarıfterdi engizýdi jalǵastyra otyryp, 3 deńgeıli saralanǵan tarıfke kezeń-kezeńmen kóshý usynylady», - dedi M.Ospanov.