Saralanǵan tarıfter engizgennen keıin tutynýshylar 2,1 mlrd. teńge únemdegen - N. Aldabergenov
ASTANA. Qyrkúıektiń 27-si. QazAqparat /Qanat Mámetqazyuly/ - Elimizde saralanǵan tarıfter engizilgennen keıin tutynýshylar 2,1 mlrd. teńge únemdegen.
Búgin QR Parlamenti Májilisinde «Tarıftik saıasattaǵy energııany únemdeý» taqyrybynda ótken Úkimet saǵatynda bul týraly Úkimettiń otyrysy barysynda Tabıǵı monopolııalardy retteý agenttiginiń tóraǵasy Nurlan Aldabergenov málim etti.
Tóraǵanyń aıtýynsha, agenttik iske asyratyn energııany únemdeý jónindegi negizgi is-sharalardyń biri elektr energııasyn únemdi tutyný mindetterin sheshý bolyp tabylady. Osy mindetterdi iske asyrý úshin saralanǵan tarıfter ádisterin engizý qolǵa alynǵan. «Búgingi kúni respýblıkada saralanǵan tarıfter tutyný kólemine qaraı jáne táýlik zonalary boıynsha qoldanylady. Bul elektr energııasyn únemdi paıdalaný mindetin sheshýge múmkindik berýde. Saralanǵan tarıfterdi táýlik zonalary boıynsha qoldaný nátıjesinde únemdeý orta eseppen 1,1 mlrd. teńgeni qurasa, tutyný kólemi boıynsha qoldaný kezinde 1 mlrd. teńgeni qurap otyr. Mysaly, Almaty qalasynda saralanǵan tarıfti táýlik zonalary boıynsha qoldanýdan alynǵan únem 554 mln. teńgeni, al tutyný kólemi boıynsha 240 mln. teńgeni qurady», dedi N. Aldabergenov.
Al Qaraǵandy oblysynyń táýlik zonalary boıynsha qoldanýdan alynǵan únem 376 mln. teńgeni qurasa, tutyný kólemi boıynsha bul soma 177 mln. teńgege jetken. Atyraý oblysynda táýlik zonalary boıynsha 58 mln. teńge únemdelse, tutyný kólemi boıynsha 113 mln. teńgeni quraǵan.
«Sonymen birge, elektr energııasyn tutynýdyń tómendeýi baıqalady. Sóıtip, Astana qalasynda tutyný kólemi boıynsha saralanǵan tarıfti engizgenge deıin bir adamǵa shaqqanda elektr energııasy orta eseppen aılyq tutyný 79 kVt saǵatty qurasa, al bulardy engizgennen keıin 76 kVt saǵytty qurady. ıAǵnı, únemdeý aıyna bir adam úshin 3 kVt saǵatqa teń. Osylaısha, saralanǵan tarıfterdi engizý nátıjesinde elimiz boıynsha elektr energııasy shamamen 150 mln. kVt saǵatqa, otyn shamamen 30 myń tonna kómirge, lastaýshy zattar shyǵyndary 13,5 myń tonnaǵa azaıǵan. Al tutynýshylar óz qarajattaryn shamamen 2,1 mlrd. teńge somasyna únemdedi. Bul elektr energııasyn sheshý máselesiniń tıimdi júrgizilip jatqanyn kórsetedi», dedi N. Aldabergenov.
