Saralanǵan tarıf arqyly qoǵamdyq kólikter 100 mln teńgeden astam paıda tapty
ALMATY. QazAqparat - Almatyda saralanǵan tarıf qoldana bastaǵan avtoparkterdiń bir aptadaǵy tabysy 103,6 mln teńgege ósti dep habarlaıdy QazAqparat tilshisi.
«Almaty kólik holdıngi» JShS-i taratqan málimetterge súıensek, 2017 jyldyń 1-7 tamyzy aralyǵyndaǵy avtoparkterdiń kirisi 260 mln 578 myń teńgege jetken. Bul onyń aldyndaǵy apta ıaǵnı, 25-31 shildedegi kórsetkishpen salystyrǵanda 39,8 paıyz teńgemen eseptegende 156,941 myń teńgege artyq bolǵan.
Sońǵy apta ishinde avtobýstardaǵy «Ońaı» kartasy arqyly jasalatyn tranzaktsııa opratsııalary 1 mln-ǵa artqan. Naqtyraq aıtqanda, 2 mln 759 myń tranzaktsııa 1-7 tamyz aralyǵynda 3 mln 937 myńǵa jetken.
Qolma qol aqsha tóleý 3 esege azaıǵan. Buǵan deıin 1 mln 039 myń qolma qol aqsha tranzaktsııasy oryndalsa, sońǵy aptada 307 274-ke deıin túsken.
«Almatyda jolaýshylar tasymaly salasynda qoǵamdyq kólikterde ártúrli baǵa tarıfin engizý qarjy aınalymynyń tazalyǵyn arttyrdy. Bul qala bıýdjetine túsetin kiristerdi kóbeıtedi», - dedi «Almaty kólik holdıngi» JShS dırektory Sadyr Hamraev.
Aıta keteıik, Almaty qalasynda 1 tamyzdan bastap qoǵamdyq kólikterde ártúrli baǵa tarıfi engizildi. Naqtyraq aıtqanda, «Ońaı» kartasy arqyly tólem jasaýshylar úshin baǵa burynǵy 80 teńge bolsa, qolma-qol esep aırysý 150 teńgege jetti.
«Ońaı» kartasy arqyly tólemde barlyq jeńildikter qaldyryldy.
