«Saraevo» astanalyq komandanyń qaqpasynan sańylaý taba almady
ASTANA. QazAqparat - Elordalyq «Astana» klýby Túrkııada ótkizip jatqan oqý-jattyǵý jıyny barysynda Bosnııa jáne Gertsogovınanyń «Saraevo» komandasymen kezdesti. Astanalyq fýtbolshylar qarsylasyn 2:0 esebimen jeńdi, dep habarlaıdy QazAqparat tilshisi komandanyń baspasóz qyzmetine silteme jasap.
«Astananyń» búgingi qarsylasy - óz eliniń úsh dúrkin chempıony atanǵan tájirıbeli ujymnyń biri. Elordalyq komanda basshylyǵy Nenad Erıch, Abzal Beısebekov (Shomko), Antonıo Rýkavına, Evgenıı Postnıkov, ıÝrıı Logvınenko, Ivan Maevskıı, Marın Anıchıch, Roman Mýrtazaev, ıÝrıı Pertsýh (Serikjan Mýjıkov), Marın Tomasov (Skvortsov), Djýnıor Kabananga (Romelo ıAnga) syndy fýtbolshylaryn oıynǵa qosty.
Kezdesýde ıÝrıı Logvınenko ortalyq shepte Ivan Maevskıımen jup qurady. Bul komandaǵa óz jemisin alyp keldi. Ol 30 jáne 64 mınýttarda gol soǵyp, óz komandasyna jeńis syılady. Nátıjesinde «Astana» qarsylasyn 2:0 esebimen tize búktirdi.
Elordalyq klýb 6 aqpanda Tashkenttiń «Lokomotıvimen» 1:1 esebimen teń tússe, 7 aqpanda serbııalyq «Mladost» (Lýchanı) komandasynan 2:3 esebimen jeńilip qaldy. Endi olar 12 aqpanda Ózbekstannyń «Sogdıana» klýbymen kezdesedi.
