Sarabdal saıasat sardary - Astana ákimi Imanǵalı Tasmaǵambetov

ASTANA. 1 jeltoqsan. QazAqparat - Elorda ákimi Imanǵalı Tasmaǵambetov barsha astanalyqtardy jáne qala qonaqtaryn  memlekettik mereke  - QR Tuńǵysh Prezıdenti kúnimen quttyqtady, dep habarlady qala ákimdiginiń baspasóz qyzmeti.

«Sizderdi Tuńǵysh Prezıdent kúnimen shyn júrekten quttyqtaımyn!

Kúntizbege qyzyl belgimen engen osynaý jańa memlekettik mereke, Elbasy kúni - eń aldymen eldikke qurmettiń belgisi, halyqtyq meıram. Memleketimizdiń Tuńǵysh Prezıdenti - jańa táýelsiz memlekettiń negizin qalap, shekarasyn nyqtap, berekesin baptap, baıandy bolashaqqa týra bastap kele jatqan tarıhı tulǵa. Derbestigin jarııalap, azattyǵyn alǵan jıyrma bir jyl ýaqyt ishinde  elimizdi búgindee barsha álem tanyp, moıyndady. Sondyqtan bul - egemen eldigin ornyqtyryp, táýelsizdigin tuǵyrly etip kele jatqan memleketimiz úshin mańyzy mol, halyqty birtutas birlikke shaqyrar tarıhı taǵylymy tereń meıram.

Osynaý mereıli mereke kúni barshańyzǵa zor densaýlyq, otbasylaryńyzǵa baq pen bereke tileımin!», - delingen qala ákiminiń quttyqtaýynda.