Sara Takanashı Almatyda shańǵymen tuǵyrdan sekirýden ótken Álem Kýbogynyń jeńimpazy atandy
ALMATY. QazAqparat - Almatyda Halyqaralyq «Suńqar» shańǵy tramplınderi kesheninde erler men áıelder arasynda shańǵymen tuǵyrdan sekirý boıynsha Álem Kýbogynyń FIS Grand Prix atty jetinshi jáne segizinshi Jazǵy kezeńi aıaqtaldy.
Áıelder arasynda ótken jarysta 19 jastaǵy japon qyzy Sara Takanashı eki kezeńniń de jeńimpazy atandy.
Ol ótken jyly da Almatyda ótken básekede jeńimpaz atanǵan bolatyn.
Saranyń otandasy ıÝkı Ito jetinshi kezeńde úshinshi oryn aldy. Biraq segizinshi kezeńde kúmis medalge qol jetkizdi. Alǵashqy jetinshi kezeńde ekinshi orynǵa tuńǵysh ret AQSh-tan kelgen sportshy Nıta Englýnd kóterildi. Biraq, ókinishke qaraı, sońǵy segizinshi kezeńde ol bary-joǵy besinshi oryndy qanaǵat tutty. Al segizinshi kezeńde qola medal avstrııalyq shańǵyshy Jaklın Zeıfreıdsbergerge buıyrdy.
Aıta ketsek, segizinshi kezeńde jańbyr jaýýdyń saldarynan sportshylar óz áleýetterin tolyq kórsete almady.
Bıyl áıelder arasynda ótken básekelerge Qazaqstannyń atynan birde-bir sportshy qatysqan joq. Biraq uıymdastyrýshylardyń aıtýynsha, aldaǵy jylǵy Jazǵy kezeńge tuńǵysh ret, endi ǵana kózge túse bastaǵan qazaqstandyq jas shańǵyshy Valentına Sderjıkova qatysady. Onyń jasy bıyl 14-te.
