Sara Nazarbaeva aýrýhanadan shyqty
ALMATY. KAZINFORM – Ulttyq gospıtaldiń baspasóz qyzmeti Sara Nazarbaevanyń medıtsınalyq mekemeden shyǵarylǵanyn rastady.
Mekeme ókilderiniń málimetinshe, Sara Nazarbaeva Ulttyq gospıtalde em qabyldaǵan. Ol 2026 jyly qańtar aıynda ambýlatorlyq em qabyldaý úshin aýrýhanadan shyǵarylǵan.
Sonymen qatar mekemeniń baspasóz qyzmeti ózge málimetterdiń jarııa etilmeıtinin málimdedi.
– Densaýlyq jaǵdaıy, dıagnozy, emdeý ádisteri men nátıjeleri týraly aqparat Qazaqstan Respýblıkasy «Halyq densaýlyǵy jáne densaýlyq saqtaý júıesi týraly» kodeksiniń 273-babyna sáıkes dárigerlik qupııa bolyp esepteledi jáne jarııa etilmeıdi, - dep habarlady Ulttyq gospıtaldiń baspasóz qyzmeti Kazinform tilshisine.
Eske salaıyq, buǵan deıin Qazaqstannyń tuńǵysh Prezıdenti Nursultan Nazarbaevtyń baspasóz hatshysy Aıdos Úkibaı áleýmettik jeliler men BAQ-ta Sary Nazarbaevanyń densaýlyǵy týraly taraǵan aqparatqa qatysty túsinik bergen edi.
– Sara Alpysqyzy Nazarbaeva sáýir aıynan bastap Almaty qalasyndaǵy Prezıdent is basqarmasy Medıtsınalyq ortalyǵyna qarasty Ulttyq gospıtalde em qabyldap keledi. Barlyq medıtsınalyq shara bekitilgen standarttarǵa saı jáne otandyq mamandardyń baqylaýynda júzege asyrylyp jatyr, - dedi Aıdos Úkibaı sol kezde.