Sapporoda Qulybaev Irannyń olımpıadalyk komıtetiniń prezıdentimen sportty birlese damytýǵa kelisim jasasty
SAPPORO. QazAqparat - Búgin Japonııanyń Sapporo qalasynda VІІІ qysqy Azııa oıyndary aıasynda QR Olımpıada komıtetiniń tóraǵasy Tımýr Qulybaev pen Irannyń Olımpıadalyq komıtetiniń prezıdenti Kýmars Hashemı eki jaqtyly sportty damytýǵa arnalǵan kelisim hatqa qol qoıdy, dep habarlaıdy Sapporodaǵy QazAqparat tilshisi.
Endi aldaǵy ýaqytta Iran men Qazaqstan sportshylary arasynda birlesken oqý-jattyǵýlary jıi ótýi múmkin. Oǵan basty sebep, búgin Iran Qazaqstan Olımpıadalyq komıtetteriniń basshylary osylaı toqtamǵa qol qoıdy.
Esterińizge sala keteıik, búgin jergilikti ýaqytpen 16:00 de Azıada oıyndarynyń ashylý saltanaty bastalady. Sportshylar sherýinde elimizdiń jalaýyn shańǵy jarysynan bes dúrkin Qazaqstan chempıony Erdos Ahmadıev ustap shyǵady.
Esterińizge sala keteıik, VIII qysqy Azıada oıyndary Japonııanyń Sapporo qalasynda 19-26 aqpan aralyǵynda ótedi. Jalpy jarysta 31 eldiń sportshylary 11 sport túrinen 64 medal jıyntyǵyn sarapqa salady. Bul bási bıik dodaǵa elimizdiń namysyn qorǵaýǵa 153 sportshy keldi. Esterińizge sala keteıik, keshe alǵashqy irikteý syndary bastalǵan bolatyn. Onda hokkeıden Qazaqstannyń áıelder quramasy jergilikti sportshylarmen baq synasyp, ókinishke qaraı, qarsylastaryna 0:5 esebimen utylyp qaldy. Al erteń, ıaǵnı 20 aqpan kúni bizdiń hokkeıshi arýlarymyz qytaı quramasymen oınaıdy.
