Sapporoda qar festıvali onlaın formatta ashyldy
SAPPORO. KYODO NEWS- QazAqparat – Japonııadaǵy eń úlken qysqy merekelerdiń biri bolyp sanalatyn Sapporodaǵy qar festıvali beısenbide onlaın ashyldy, dep habarlaıdy QazAqparat KYODO NEWS-ke silteme jasap.
Japonııanyń soltústigindegi basty aral Hokkaıdoda ótetin festıvalde ádette 200-ge jýyq muzdan jasalǵan músinder qoıylady.
1950 jyldan beri ótkizilip kele jatqan festıval bıyl alǵash ret áldeqaıda shaǵyn bolyp ótpek. Bul joly adamdar qala ortalyǵyna jınalmaıdy, kerisinshe qala mańyna kórmeler ornalastyrylady.
Festıvaldi uıymdastyrýshylar veb-saıtqa 28 aqpanǵa deıin músinderdiń qalaı jasalǵanyn kórsetetin fotosýretter men beınerolıkterdi ornalastyrady jáne shara týraly tarıhı aqparat beredi.
Keıbir fotosýretterde qala boıynsha ornalasqan tórt qarly músin beınelengen, sonyń ishinde tanymal vırtýaldy ánshilerdiń biri Hatsýne Mıký, ekinshisi - Meıdzı dáýirinde (1868-1912) Sapporo aýylsharýashylyq mektebin qurýǵa kómektesken amerıkalyq pedagog Ýılıam Smıt Klark bar.
Aıta ketken jón, Hokkaıdo sheteldik saıahatshylar úshin tanymal orynǵa aınalýda jáne qar festıvali 2019 jyly 2,74 mıllıon kelýshini qabyldap, rekordtyq kórsetkishke jetken. Biraq ótken jyly olardyń sany koronavırýs saldarynan 2,02 mıllıonǵa deıin azaıdy.
